കൊൽക്കത്ത: ബിസിസിഐ പ്രസിഡന്റ് സൗരവ് ഗാംഗുലിയുടെ മകൾ സനയ്ക്ക് കൊറോണ സ്ഥിരീകരിച്ചു. 20കാരിയും ഒഡിസി ഡാൻസറുമായ മകൾ ഇപ്പോൾ ഐസോലേഷനിൽ കഴിയുകയാണ്.
ദിവസങ്ങൾക്ക് മുമ്പ് മുൻ ഇന്ത്യൻ ക്യാപ്റ്റനായ ഗാംഗുലി കൊറോണ ബാധിതനാകുകയും ആശുപത്രിയിൽ പ്രവേശിപ്പിക്കുകയും ചെയ്തിരുന്നു. ശേഷം ഗാംഗുലി വീട്ടിൽ തിരിച്ചെത്തിയതിന് പിന്നാലെയാണ് മകൾക്ക് രോഗം സ്ഥിരീകരിച്ചിരിക്കുന്നത്. സനയെ കൂടാതെ ഗാംഗുലിയുടെ കുടുംബത്തിലെ മറ്റ് മൂന്ന് പേർക്കും കൊറോണ സ്ഥിരീകരിച്ചിട്ടുണ്ട്. ഗാംഗുലിയുടെ ഭാര്യ ഡോണയുടെ പരിശോധനാഫലം നെഗറ്റീവാണ്.
കഴിഞ്ഞ ഡിസംബറിലായിരുന്നു ഗാംഗുലി കൊറോണ ബാധിതനായത്. തുടർന്ന് കൊൽക്കത്തയിലെ വുഡ്ലാൻഡ്സ് ആശുപത്രിയിൽ അദ്ദേഹത്തെ പ്രവേശിപ്പിച്ചു. ഒമിക്രോൺ പരിശോധന നെഗറ്റീവായതിന് ശേഷം അദ്ദേഹം ആശുപത്രി വിട്ടു.
