ന്യൂഡൽഹി : രാജ്യത്ത് കെറോണ വൈറസ് ബാധിതരുടെ എണ്ണം ഉയരുന്നു. പ്രതിദിന കേസുകൾ രണ്ട് ലക്ഷത്തേക്ക് അടുക്കുകയാണ്. ഇന്നലെ 1,68,063 പേരുടെ കൊറോണ പരിശോധനാ ഫലം പോസിറ്റീവ് ആയപ്പോൾ ഇന്ന് 1,94,720 ആയി ഉയർന്നു. കേന്ദ്ര ആരോഗ്യ മന്ത്രാലയമാണ് ഇതുമായി ബന്ധപ്പെട്ട വിവരങ്ങൾ പുറത്തുവിട്ടത്.
കഴിഞ്ഞ ദിവസത്തെ പ്രതിദിന കേസുകളുമായി താരതമ്യം ചെയ്യുമ്പോൾ 26,657 എണ്ണത്തിന്റെ വർദ്ധനവാണ് ഉണ്ടായിരിക്കുന്നത്. ഇതോടെ രാജ്യത്തെ പ്രതിദിന ടെസ്റ്റ് പോസിറ്റിവിറ്റി നിരക്കും (ടിപിആർ) വർദ്ധിച്ചു. നിലവിൽ 11.5 ശതമാനമാണ് ടിപിആർ. കൊറോണ വ്യാപനം ആരംഭിച്ച് ഇതുവരെ 36,070,510 പേർക്കാണ് രോഗം സ്ഥിരീകരിച്ചിരിക്കുന്നത്.
കഴിഞ്ഞ 24 മണിക്കൂറിനിടെ 60,405 പേരാണ് രോഗമുക്തി നേടിയത്. കഴിഞ്ഞ ദിവസം ഉണ്ടായ 442 മരണങ്ങൾ കൊറോണയെ തുടർന്നാണെന്ന് സ്ഥിരീകരിച്ചത്. നിലവിൽ 9,55.319 പേരാണ് ചികിത്സയിൽ കഴിയുന്നത്. ഇതുവരെ 4,84,655 കൊറോണ മരണങ്ങളാണ് രാജ്യത്ത് റിപ്പോർട്ട് ചെയ്തത്.
അതേസമയം രാജ്യത്ത് ഒമിക്രോൺ ബാധിതരുടെ എണ്ണത്തിലും വർദ്ധനവ് ഉണ്ടായിട്ടുണ്ട്. കഴിഞ്ഞ ദിവസം 4461 പേർക്ക് ഒമിക്രോൺ സ്ഥിരീകരിച്ചപ്പോൾ ഇന്ന് അത് 4,868 ആയി വർദ്ധിച്ചു.
