ആര്എസ്എസിന്റെ പക്ഷം പിടിച്ചു ജീവിക്കുന്ന ഉണ്ണി മുകുന്ദന്റെ സിനിമ കാണരുതെന്ന കമന്റിന് മറുപടിയുമായി നടൻ നാദിർഷ. ഉണ്ണി മുകുന്ദന്റെ മേപ്പടിയാന് എന്ന ചിത്രത്തിന് അഭിനന്ദനം അറിയിച്ച് നാദിര്ഷ പങ്കുവച്ച പോസ്റ്റിന് താഴെയാണ് നടനെ അധിക്ഷേപിച്ച് കമന്റുമായി യുവാവ് എത്തിയത്. ഉണ്ണി മുകുന്ദന് പ്രത്യേക രാഷ്ട്രീയപാർട്ടിയുടെ വക്താവാണെന്നും ഈ നടന്റെ സിനിമകൾ കാണരുതെന്നുമായിരുന്നു വിമർശനം.
ഇന്ന് ഭരണം കൈയ്യാളുന്ന ആർ എസ് എസ് എന്ന ഭീകര സംഘടനയുടെ പക്ഷം പിടിച്ചു ജീവിക്കുന്ന ഉണ്ണിമുകുന്ദൻ എന്ന ആർ എസ് എസുകാരന്റെ പടം കാണാനും കൊട്ടിഘോഷിക്കാനും നിങ്ങൾക്കാവും . ഞാനും എന്നെപ്പോലെ ചിന്തിക്കുന്നവരും കാണില്ല കലയിൽ വർഗീയതയുണ്ട് അല്ലെങ്കിൽ ഇവർ ആർ എസ് എസിനോട് സ്നേഹം കാണിക്കില്ല. ഇന്ത്യയിൽ ജനിച്ചു വളർന്ന എനിക്കും എന്നെപ്പോലുള്ളവർക്കും ഇയാളെപ്പോലുള്ള ഭീകരരോട് വെറുപ്പ് തന്നെയാണ് മിസ്റ്റർ..
കുട്ടിക്കാലം മുതൽ അനുകരിച്ചിരുന്ന,ഇഷ്ട്ടപ്പെട്ടിരുന്ന സുരേഷ്ഗോപിയെ വെറുത്തു ..പിന്നെയാണോ ഇയാളും ഇവർക്ക് റാൻ മൂളുന്ന നിങ്ങളും . – ഇത്തരത്തിലായിരുന്നു ഉണ്ണി മുകുന്ദനെതിരായ കമന്റ് . ഇതിന് ലോകത്തു ഒരു യഥാർത്ഥ കലാകാരനും വർഗീയമായി ചിന്തിക്കില്ല . ഉണ്ണിയെ തനിക്കറിയാമെന്നും നാദിർഷ മറുപടി നൽകി. നാദിർഷയുടെ മറുപടിയ്ക്ക് പിന്തുണയുമായി ഒട്ടേറെ പേർ രംഗത്തെത്തിയിട്ടുണ്ട്.
