കണ്ണൂർ : തലശ്ശേരി പുന്നോലിൽ ബിജെപി-ആർഎസ്എസ് പ്രവർത്തകർക്കെതിരെ സിപിഎം അക്രമം. പുന്നോലിലെ സജീവ പ്രവർത്തകരായ വിമിൻ, അമൽ, ദീപക്, അർജുൻ എന്നിവർക്ക് നേരെയാണ് ആക്രമണം ഉണ്ടായത്. കഴിഞ്ഞ ദിവസം രാത്രിയോടെയായിരുന്നു സംഭവം.
പുന്നോൽ താഴെവയൽ കൂലോത്ത് ക്ഷേത്രത്തിലെ തിറ മഹോത്സവത്തിന് ശേഷം വീട്ടിലേക്ക് മടങ്ങുമ്പോഴാണ് ആർഎസ്എസ്- ബിജെപി പ്രവർത്തകർക്ക് നേരെ ആക്രമണം ഉണ്ടായത്. മദ്യപിച്ചെത്തിയ സിപിഎമ്മുകാർ പ്രവർത്തകരെ കയ്യേറ്റം ചെയ്യുകയായിരുന്നു. സിപിഎം നേതാവ് അങ്കി സുര, ഹരിദാസ് എന്നിവരുടെ നേതൃത്വത്തിലുള്ള സംഘമാണ് ആക്രമണം നടത്തിയതെന്ന് ആക്രമണത്തിന് ഇരയായവർ പറഞ്ഞു.
സംഭവത്തിൽ പ്രതിഷേധിച്ച് ബിജെപി പ്രവർത്തകർ മാധവമന്ദിരം പരിസരത്ത് പ്രതിഷേധ പ്രകടനം നടത്തി. ബിജെപി തലശ്ശേരി മണ്ഡലം അദ്ധ്യക്ഷൻ കെ. ലിജേഷിന്റെ നേതൃത്വത്തിലായിരുന്നു പ്രതിഷേധം.
