ന്യൂഡൽഹി: ലോകത്ത് ആകെ രാജ്യങ്ങൾ 195. ലോകജനസംഖ്യയിൽ ഒന്നാമത് നിൽക്കുന്ന ഭീമൻ ചൈന മുതൽ ഇത്തിരിമാത്രം ജനസംഖ്യയുളള ഹോളിസീ വരെ വൈവിധ്യപൂർണമാണ് ലോകം.
ലോകത്ത് ഏറ്റവും കൂടിയ ജനസംഖ്യയുള്ള ചൈനയിൽ നൂറ്റിനാൽപ്പത്തി മൂന്നുകോടി തൊണ്ണൂറ്റി മൂന്ന് ലക്ഷത്തി ഇരുപത്തി മൂവായിരത്തി എഴുന്നൂറ്റി എഴുപത്തിയാറ്(1,439,323,776)പേരാണ് വസിക്കുന്നത്. ലോകജനസംഖ്യയുടെ 18.5 ശതമാനം പേരും ചൈനയിലാണ്. ഭൂവിസ്തൃതി തൊണ്ണൂറ്റി മൂന്ന് ലക്ഷത്തി എൺപത്തിയെട്ടായിരത്തി ഇരുന്നൂറ്റി പതിനൊന്ന്(9,388,211) കിലോമീറ്റർ സ്ക്വയർ.
തൊട്ടുതാഴെ ഇന്ത്യയാണ്. ഇന്ത്യൻ ജനസംഖ്യ നൂറ്റി മുപ്പത്തിയെട്ടു കോടി നാലായിരത്തി മുന്നൂറ്റി എൺപത്തിയഞ്ച് (1,380,004,385)ആണ്. ലോകജനസംഖ്യയുടെ 17.7ശതമാനം ഇന്ത്യയിലാണ്. ഭൂവിസ്തൃതി ഇരുപത്തിയൊൻപത് ലക്ഷത്തി എഴുപത്തി മൂവായിരത്തി നൂറ്റി തൊണ്ണൂറ് കിലോമീറ്റർ സ്ക്വയർ. അമേരിക്കയാണ് ലോക ജനസംഖ്യയിൽ മൂന്നാം സ്ഥാനത്ത്. മുപ്പത്തി മൂന്നുകോടി പത്തുലക്ഷത്തി രണ്ടായിരത്തി അറുന്നൂറ്റി അൻപത്തിയൊന്നു കോടി (331, 002,651)ജനസംഖ്യയാണ് അമേരിക്കയിൽ ഉള്ളത്. ഭൂവിസ്തൃതി തൊണ്ണൂറ്റി ഒന്ന് കോടി നാൽപത്തിയേഴ് ലക്ഷത്തി നാനൂറ്റി ഇരുപത് (9,147,420)കിലോമീറ്റർ സ്ക്വയർ. ഭൂവിസ്തൃതിയിൽ ചൈനയ്ക്ക് അടുത്താണ് അമേരിക്കയുടെ സ്ഥാനം.
നാലാമത് ഇൻഡോനേഷ്യയാണ്. ഇരുപത്തിയേഴ് കോടി മുപ്പത്തി അഞ്ച് ലക്ഷത്തി ഇരുപത്തി മൂവായിരത്തി അറുന്നൂറ്റി പതിനഞ്ച്(273, 523,615)ആണ് ഇൻഡോനേഷ്യയിലെ ജനസംഖ്യ. ലോക ജനസംഖ്യയുടെ 3.5 ശതമാനം വരും. അഞ്ചാം സ്ഥാനം പാക്കിസ്താൻ. ഇരുപത്തി രണ്ട് കോടി എൺപത്തിയൊൻപത് ലക്ഷത്തി രണ്ടായിരത്തി മുന്നൂറ്റി നാൽപത്(220,892,340). ലോകജനസംഖ്യയുടെ 2.8 ശതമാനം.
ആറാം സ്ഥാനത്ത് ബ്രസീൽ, ഏഴാം സ്ഥാനത്ത് നൈജീരിയ, എട്ട് ബംഗ്ലദേശ്, ഒൻപത് റഷ്യയാണെങ്കിൽ യുക്രെയന്റെ സ്ഥാനം 35 ആണ്. റഷ്യയുടെ സഖ്യരാജ്യമായ ബലാറസ് 95-ാം സ്ഥാനത്ത്.
പത്ത് മെക്സിക്കോ, പതിനൊന്ന് ജപ്പാൻ, പത്തൊൻപത് ജർമനി, ബ്രിട്ടൻ 21-ാം സ്ഥാനത്ത്. യുഎഇ 92-ാംസ്ഥാനത്ത്. യുക്രെയ്ന്റെ സ്ഥാനത്ത്. നൂറ്റിത്തൊണ്ണൂറ്റി അഞ്ചാംസ്ഥാനത്തുള്ളത് ഹോളി സീ. അവിടുത്തെ ജനസംഖ്യ വെറും 801. തൊട്ടു മുകളിലെ രാജ്യമായ നെയ്റുവിൽ 10,824 പേരാണ്. 193-ാംസ്ഥനത്തെ ടുവാലുവിൽ ജനസംഖ്യ11,792, പലൊവിൽ 18,094, സാൻ മരിനോയിൽ 33,931 എന്നിങ്ങനെ മുകളിലേക്ക് വരുമ്പോൾ ക്രമാനുഗതമായി കൂടുന്നുണ്ട്. ഏറ്റവും കുറഞ്ഞ ജനസംഖ്യയുള്ള ഹോളി സീയിൽ മൊത്തം ജനസംഖ്യാനുപാതവും ഭൂവിസ്തൃതിയും പൂജ്യത്തിലാണ്. 195 രാജ്യങ്ങളിൽ 193 രാജ്യങ്ങൾ യുഎൻ അംഗരാജ്യങ്ങളാണ്.
Comments