അജിത്ത് കുമാറിനെ നായകനാക്കി എച്ച് വിനോദ് സംവിധാനം ചെയ്ത ആക്ഷൻ ത്രില്ലർ ചിത്രം തീയേറ്ററിൽ പ്രദർശനം തുടരുകയാണ്. ഫെബ്രുവരി 24ന് തീയേറ്ററിൽ റിലീസിനെത്തിയ ചിത്രം 200 കോടി ക്ലബ്ബിൽ ഇടംപിടിച്ചിരിക്കുകയാണ്. അയ്യപ്പനും കോശിയും തെലുങ്ക് റീമേക്കായ ഭീംല നായിക്, സജ്ഞയ് ലീല ബൻസാലി ചിത്രം ഗംഗുഭായി, ഹോളിവുഡ് ചിത്രം ബാറ്റ്മാൻ എന്നിവ ഉയർത്തിയ വെല്ലുവിളികളെ മറികടന്നാണ് ചിത്രം ബോക്സ് ഓഫീസിൽ ഇടം നേടിയിരിക്കുന്നത്.
2022 മാർച്ച് അഞ്ച് വരെ 202.64 കോടി രൂപയാണ് ചിത്രം നേടിയത്. ഈ കണക്ക് ഓരോ മണിക്കൂറുകൾ പിന്നിടുമ്പോഴും കുതിച്ചുയരുകയാണ്. റിലീസ് ചെയ്ത ആദ്യ ആഴ്ചയിൽ തന്നെ ചിത്രം 193.41 കോടി നേടിയിരുന്നു. ചിത്രത്തിന്റെ ഒന്നും രണ്ടും ദിവസം 4.50 കോടിയും 4.73 കോടിയുമാണ് നേടിയത്. ആഗോള ബോക്സ്ഓഫീസിലെ കളക്ഷനാണിത്. അജിത്തിന്റെ കരിയറിലെ ഏറ്റവും വേഗത്തിലുള്ള 100 കോടി നേട്ടവുമാണിത്.
രണ്ട് വർഷത്തെ ഇടവേളയ്ക്ക് ശേഷമുള്ള അജിത്ത് കുമാർ ചിത്രം എന്ന നിലയിൽ വലിയ പ്രതീക്ഷ നേടിയ സിനിമയാണ് വലിമൈ. ബോണി കപൂറാണ് ചിത്രത്തിന്റെ നിർമ്മാണം. ഹുമ ഖുറേഷിയാണ് ചിത്രത്തിലെ നായിക. ഒരിടവേളയ്ക്ക് ശേഷം അജിത്ത് വീണ്ടും പോലീസ് വേഷത്തിൽ എത്തുന്നുവെന്ന പ്രത്യേകതയും ചിത്രത്തിനുണ്ട്. തമിഴ്നാട്ടിൽ നടന്ന ഒരു സംഭവമായും ചിത്രത്തിന് ചെറിയ തരത്തിൽ ബന്ധമുണ്ടെന്ന് സംവിധായകൻ എച്ച് വിനോദ് പറഞ്ഞിരുന്നു.
Comments