ന്യൂഡൽഹി: ബോക്‌സ് ഓഫീസിൽ 250 കോടി മറികടന്ന് ദി കശ്മീർ ഫയൽസ്. ആഗോളതലത്തിലെ കണക്കാണിത്. 16 ദിവസം കൊണ്ടാണ് 250.45 കോടി രൂപ ചിത്രം കളക്ഷൻ നേടിയത്.
മാർച്ച് 11 നായിരുന്നു വിവേക് അഗ്നിഹോത്രി ചിത്രം പുറത്തിറങ്ങിയത്. 1990 കാലഘട്ടത്തിൽ കശ്മീരി പണ്ഡിറ്റുകൾ അനുഭവിച്ച യാതനകളാണ് ചിത്രത്തിന്റെ പ്രമേയം. രണ്ട് മണിക്കൂർ 50 മിനിറ്റ് ദൈർഘ്യമുള്ള ചിത്രത്തിൽ മിഥുൻ ചക്രവർത്തി, അനുപം ഖേർ, ദർശൻ കുമാർ, പല്ലവി ജോഷി, ചിന്മയി മാണ്ട്‌ലേകർ, പുനീത് ഇസ്സർ, പ്രകാശ് ബേലവാടി, അതുൽ ശ്രീവാസ്തവ, മൃണാൽ കുൽക്കർണി പ്രധാന വേഷങ്ങളിൽ അഭിനയിച്ചിരിക്കുന്നത്.
തീയേറ്ററുകൾ ഇളക്കിമറിച്ച് കശ്മീർ ഫയൽസ് മുന്നോട്ട് കുതിക്കുമ്പോൾ മറ്റ് ബ്രഹ്മാണ്ഡ ചിത്രങ്ങളും തിയേറ്ററുകളിൽ എത്തിയിരിക്കുകയാണ്. രാജമൗലിയുടെ സംവിധാനത്തിൽ ജൂനിയർ എൻടിആറും രാം ചരണും ആലിയഭട്ടും കേന്ദ്ര കഥാപാത്രങ്ങളായി എത്തുന്ന ആർആർആറുമായാണ് ഇപ്പോൾ കശ്മീർ ഫയൽസിന്റെ മത്സരം.
