വ്യത്യസ്തമായ കാര്യങ്ങൾ ചെയ്ത് ഗിന്നസ് റെക്കോഡിൽ ഇടം പിടിക്കുന്നവരെ കുറിച്ച് നാം കേട്ടിട്ടുണ്ട്. അത്തരത്തിൽ ചിക്കൻ നഗ്ഗെറ്റ്സ് കഴിച്ച് ഗിന്നസ് റെക്കോഡിൽ ഇടം പിടിച്ചിരിക്കുകയാണ് ലിയ ഷട്ട്കെവർ എന്ന യുവതി. ഒരു മിനിറ്റിനുള്ളിൽ ഏറ്റവും കൂടുതൽ ചിക്കൻ നഗ്ഗെറ്റ്സ് കഴിച്ചാണ് യുവതി റെക്കോഡ് സ്വന്തമാക്കിയത്.
വെറും 60 സെക്കൻഡിനുള്ളിൽ 352 ഗ്രാം ചിക്കൻ നഗ്ഗെറ്റാസ് യുവതി അകത്താക്കി. അതായത് 60 സെക്കൻഡിൽ 19 ചിക്കൻ നഗ്ഗെറ്റ്സ്. 2020ൽ 298 ഗ്രാം ചിക്കൻ നഗ്ഗെറ്റ് കഴിച്ച് റെക്കോഡിട്ട നെല സിസർ എന്ന യുവതിയുടെ റെക്കോഡാണ് ലിയ ഷട്ട്കെവർ മറികടന്നത്.
ഇതിന് പുറമെ ഭക്ഷണം കഴിക്കുന്നതുമായി ബന്ധപ്പെട്ട് 27 റെക്കോഡുകളാണ് ലിയയുടെ പേരിലുള്ളത്. മൂന്ന് മിനിറ്റിനുള്ളൽ ഏറ്റവും കൂടുതൽ ജാം ഡോനട്ട്സ് കഴിച്ചും, ഒരു കുക്കുമ്പർ കഴിക്കാൻ ഏറ്റവും കുറഞ്ഞ സമയമെടുത്തിനുമെല്ലാമാണ് ലിയ റെക്കോഡ് നേടിയിട്ടുള്ളത്. ഇതിന് പുറമെ, ഏറ്റവും വേഗത്തിൽ ഒരു ലിറ്റർ ഗ്രേവി കുടിച്ചതിനുള്ള റെക്കോഡും ലിയ സ്വന്തമാക്കിയിട്ടുണ്ട്.
