കണ്ണൂർ : പഴയങ്ങാടിയിൽ സിഐടിയു സമരം നടത്തുന്ന പോർക്കലി സ്റ്റീൽസിന്റെ വാഹനത്തിന് നേരെ അക്രമം. വാഹനത്തിന്റെ ടയറിന്റെ കാറ്റ് സിഐടിയു പ്രവർത്തകർ അഴിച്ചുവിട്ടു. ഉച്ചയോടെയായിരുന്നു ആക്രമണം ഉണ്ടായത്.
ചരക്കുമായി പോകുകയായിരുന്ന പിക്കപ്പ് വാനിന്റെ ടയറിന്റെ കാറ്റാണ് സമരക്കാർ അഴിച്ചുവിട്ടത്. പോർക്കലി സ്റ്റീൽസിന്റെ വ്യാപാരം തടസ്സപ്പെടുത്തരുതെന്ന് കോടതി വിധിയുണ്ട്. ഇത് കാറ്റിൽ പറത്തിയാണ് സിഐടിയു പ്രവർത്തകർ നിരന്തരം ആക്രമണം അഴിച്ചുവിടുന്നത്. കഴിഞ്ഞ ദിവസവും സമാനമായ രീതിയിൽ സ്ഥാപനത്തിന്റെ വാഹനം സിഐടിയു പ്രവർത്തകർ ആക്രമിച്ചിരുന്നു. സംഭവത്തിൽ എട്ട് പേരെ പോലീസ് അറസ്റ്റ് ചെയ്തിരുന്നു.
കഴിഞ്ഞ രണ്ട് മാസമായി സിഐടിയു പ്രവർത്തകർ സ്ഥാപനത്തിന് മുൻപിൽ പ്രതിഷേധം തുടരുകയാണ്. കടയിലെ കയറ്റിറക്ക് അവകാശം ലഭിക്കണമെന്ന് ആവശ്യപ്പെട്ടാണ് സിഐടിയു പ്രവർത്തകർ കടയ്ക്ക് മുൻപിൽ പ്രതിഷേധം ആരംഭിച്ചത്. ഇതേ തുടർന്ന് കഴിഞ്ഞ ആഴ്ച അടച്ചിട്ട കട കോടതിയിൽ നിന്നും അനുകൂല വിധി ലഭിച്ചതോടെയാണ് വീണ്ടും തുറന്നു പ്രവർത്തിക്കാൻ ആരംഭിച്ചത്.
Comments