സിനിമാപ്രേമികൾ കാത്തിരിക്കുന്ന കെജിഎഫിന്റെ രണ്ടാം പതിപ്പ് ഉടൻ പുറത്തിറങ്ങാനിരിക്കെ, ആരാധകർക്ക് ഒരു സർപ്രൈസുമായി അണിയറ പ്രവർത്തകർ. കെജിഎഫ് ചാപ്റ്റർ രണ്ടിന് ആവേശം കൂട്ടാനായി ആദ്യ ഭാഗം റീറിലീസിനൊരുങ്ങുകയാണെന്ന് അണിയറ പ്രവർത്തകർ അറിയിച്ചു. ഇന്ത്യയിലെ പ്രധാന നഗരങ്ങളിലെ തിരഞ്ഞെടുത്ത തീയേറ്ററുകളിലാണ് കെജിഎഫ് ചാപ്റ്റർ 1 റീറിലീസിനെത്തുന്നത്.
ചിത്രം വീണ്ടും പ്രദർശിപ്പിക്കുമ്പോൾ, ആരാധകരുടെ കൈയ്യിൽ നിന്നും കുറഞ്ഞ നിരക്ക് മാത്രമേ ഈടാക്കുകയുള്ളൂവെന്ന് അണിയറ പ്രവർത്തകർ അറിയിച്ചു. ഏപ്രിൽ 14നാണ് കെജിഎഫ് ചാപ്റ്റർ 2 റീറിലീസ് ചെയ്യുക. അതിന് മുന്നോടിയായി ഏപ്രിൽ 8 മുതൽ 13 വരെയായിരിക്കും കെജിഎഫ് ചാപ്റ്റർ 1 വീണ്ടും പ്രദർശിപ്പിക്കുക. 2018 ലാണ് കെജിഎഫ് ചാപ്റ്റർ 1 റിലീസ് ചെയ്തത്.
Before #KGF2onApr14 🔥🔥#KGFChapter1 is re-releasing from 8th-13th April in select Indian theatres at reduced ticket rates!! pic.twitter.com/CSmlseqXPE
— BINGED (@Binged_) March 31, 2022
യാഷ് നായകനാകുന്ന ചിത്രത്തിൽ ബോളിവുഡ് താരം സഞ്ജയ് ദത്താണ് വില്ലൻ. രവീണ ഠണ്ഡൻ, മാളവിക അവിനാഷ്, ശ്രീനിധി ഷെട്ടി എന്നിവരും രണ്ടാം ഭാഗത്തിൽ പ്രധാന വേഷങ്ങളിൽ എത്തുന്നു. 100 കോടി ബജറ്റിലാണ് ചിത്രം ഒരുക്കിയിരിക്കുന്നത്. ഹോമബിൾ ഫിലിംസാണ് ചിത്രം നിർമ്മിക്കുന്നത്.
ഭുവൻ ഗൗഡ ഛായാഗ്രഹണം നിർവ്വഹിക്കുന്ന ചിത്രത്തിന്റെ എഡിറ്റർ ശ്രീകാന്താണ്. രവി ബസൂറാണ് ചിത്രത്തിന്റെ സംഗീത സംവിധാനം. കേരളത്തിൽ സിനിമയുടെ വിതരണം ഏറ്റെടുത്തിരിക്കുന്നത് നടൻ പൃഥ്വിരാജാണ്. കന്നഡ ഭാഷയിലെ ഏറ്റവും ബിഗ് ബജറ്റ് ചിത്രമാണ് കെജിഎഫ് ചാപ്റ്റർ 2. കന്നഡയ്ക്ക് പുറമെ തമിഴ്, ഹിന്ദി, മലയാളം, തെലുങ്ക് ഭാഷകളിലും ചിത്രം പുറത്തിറങ്ങും.
Comments