അബുദബി: അബുദാബി സെന്റ് ജോർജ് ഓർത്തഡോക്സ് കത്തീഡ്രലിൽ പെസഹാ പെരുന്നാൾ ശുശ്രൂഷ നടന്നു. മലങ്കര ഓർത്തഡോക്സ് സുറിയാനി സഭയുടെ തിരുവനന്തപുരം ഭദ്രാസനാധിപൻ അഭിവന്ദ്യ ഡോക്ടർ ഗബ്രിയേൽ മാർ ഗ്രീഗോറിയോസ് തിരുമനസിന്റെ മുഖ്യ കാർമികത്തിലായിരുന്നു ശുശ്രൂഷകൾ.
ആയിരത്തിലധികം വിശ്വാസികൾ പങ്കെടുത്ത ശുശ്രൂഷകൾക്ക് ഇടവക വികാരി ഫാദർ എൽദോ എം പോൾ, കത്തീഡ്രൽ ട്രസ്റ്റീ തോമസ് ജോർജ്, കത്തീഡ്രൽ സെക്രട്ടറി ഐ. തോമസ്സ്, മാനേജിംഗ് കമ്മിറ്റി അംഗങ്ങൾ എന്നിവർ നേതൃത്വം നൽകി. കൊറോണ മാനദണ്ഡങ്ങൾ പാലിച്ചു കൊണ്ടാണ് പെരുന്നാൾ ശുശ്രൂഷകൾ നടന്നത്.
