മുംബൈ: കുട്ടിക്കാലത്ത് നേരിട്ട ദുരനുഭവത്തെ കുറിച്ച് ബോളിവുഡ് താരം കങ്കണ റണാവത്ത്. നാട്ടിലെ ഒരു ആൺകുട്ടി തന്നെ മോശമായ രീതിയിൽ സ്പർശിച്ചുവെന്നും എന്നാൽ തനിക്ക് അന്ന് അതിന്റെ അർത്ഥം മനസിലായില്ലെന്നും കങ്കണ പറയുന്നു. കങ്കണ അവതാരികയായ ലോക് അപ്പ് എന്ന റിയാലിറ്റി ഷോയിലൂടെയാണ് ഇക്കാര്യം വെളിപ്പെടുത്തിയത്.
ഷോയിലെ ഒരു മത്സരാർത്ഥി അദ്ദേഹത്തിന് നേരിട്ട ലൈംഗികാതിക്രമത്തെ കുറിച്ച് തുറന്നു പറഞ്ഞിരുന്നു. പിന്നാലെയാണ് കങ്കണയും തനിക്ക് നേരിട്ട അനുഭവം വെളിപ്പെടുത്തിയത്. ‘എന്റെ കുട്ടിക്കാലത്ത് എനിക്കും ഉണ്ടായിട്ടുണ്ട് ഇത്തരത്തിലൊരു അനുഭവം. നാട്ടിൽ തന്നെയുള്ള ഒരു പയ്യൻ എന്നെ മോശമായ രീതിയിൽ സ്പർശിക്കുകയായിരുന്നു. എന്നെക്കാൾ പ്രായം കൂടുതലുള്ള ആളായിരുന്നു അത്.
കുട്ടിയായിനാൽ അന്ന് അതിന്റെ അർത്ഥം മനസിലായില്ല. കുടുംബം എത്ര സംരക്ഷിച്ചാലും കുട്ടികൾ ഇത്തരത്തിലുള്ള അവസ്ഥയിലൂടെ കടന്നു പോകും. കുട്ടികൾക്ക് ഇക്കാര്യങ്ങളെ കുറിച്ചുള്ള വിദ്യാഭ്യാസം നൽകാൻ കഴിയാതെ വരും. അവർ കുട്ടികളായതിനാൽ ഗുഡ് ടച്ച് ഏതാണ് ബാഡ് ടച്ച് ഏതാണ് എന്ന് മനസിലാക്കി കൊടുക്കാനാകില്ല. ഇത് തന്നെയാണ് സമൂഹത്തിന്റെ ഏറ്റവും വലിയ പ്രശ്നമെന്ന് കങ്കണ പറഞ്ഞു.
കൊച്ചുകുട്ടികൾ വളരെ അധികം ബുദ്ധിമുട്ടുകൾ അനുഭവിക്കുന്നുണ്ട്. അത് അവരുടെ ജീവിതത്തിൽ വലിയ ആഘാതമുണ്ടാക്കും, പിന്നീട് അത് പല പ്രശ്നങ്ങളിലേക്കും നയിക്കുമെന്നും കങ്കണ റണാവത്ത് പറഞ്ഞു. അതിജീവിക്കാൻ എന്തും ചെയ്യാൻ തയ്യാറായ മത്സരാർത്ഥികൾ അടങ്ങിയ പ്രോഗ്രാമാണ് കങ്കണ റണാവത്ത് അവതാരികയായ ലോക് അപ്പ്.
Comments