പാലക്കാട് : പാലക്കാട് പത്തിരിപ്പാലയിൽ ഹോട്ടലിൽ നിന്നും പഴകിയ ഭക്ഷണം പിടിച്ചെടുത്തു. പത്തിരിപ്പാല വെറ്റ്സാന്റ് ഹോട്ടലിൽ നിന്നാണ് പഴകിയ ഭക്ഷണം പിടിച്ചത്. ഹോട്ടലിൽ വൃത്തിഹീനമായ സാഹചര്യമാണുള്ളത് എന്ന് ആരോഗ്യ വകുപ്പ് അറിയിച്ചു.
6 കിലോയിലേറെ പഴകിയ ഷവർമ്മ ഹോട്ടലിലെ ഫ്രീസറിൽ സൂക്ഷിച്ച നിലയിൽ കണ്ടെത്തി. പഴകിയ എണ്ണയും ഉദ്യോഗസ്ഥർ കണ്ടെടുത്തു. ആരോഗ്യ വകുപ്പിന്റെ പരിശോധനയിലാണ് പഴകിയ ഭക്ഷണം പിടിച്ചത്.
ഹോട്ടലിൽ വൃത്തിഹീനമായ സാഹചര്യമാണുള്ളത് എന്നും അതിനാൽ ഹോട്ടൽ അടച്ചുപൂട്ടണമെന്നും ആരോഗ്യ വകുപ്പ് നിർദേശം നല്കി. ഹെൽത്ത് ഇൻസ്പെക്ടർ സുനിൽ എസിന്റെ നേതൃത്വത്തിലുള്ള സംഘമാണ് പരിശോധന നടത്തിയത്.
ഷവർമ്മ കഴിച്ചതിലൂടെ ഭക്ഷ്യവിഷബാധയേറ്റ് ദേവനന്ദ എന്ന പെൺകുട്ടി മരിച്ചതിന് പിന്നാലെ സംസ്ഥാനത്തുടനീളം ഹോട്ടലുകളിൽ പരിശോധന കർശനമാക്കിയിരിക്കുകയാണ്.
Comments