സംസ്ഥാനത്ത് അതി തീവ്ര മഴ; ഇന്നും നാളെയും അഞ്ച് ജില്ലകളിൽ റെഡ് അലർട്ട്; ജാഗ്രത പാലിക്കാൻ നിർദ്ദേശം

തിരുവനന്തപുരം: സംസ്ഥാനത്ത് അതിശക്തമായ മഴയ്‌ക്ക് ശമനമില്ലെന്ന മുന്നറിയിപ്പുമായി കാലാവസ്ഥാ നിരീക്ഷണ കേന്ദ്രം. വിവിധ ജില്ലകളിൽ മഴ മുന്നറിയിപ്പുകൾ പുറപ്പെടുവിച്ചു. അടുത്ത അഞ്ച് ദിവസങ്ങളിലും ജില്ലകളിൽ മഴ മുന്നറിയിപ്പുണ്ട്. ഈ സാഹചര്യത്തിൽ ജനങ്ങൾ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകിയിട്ടുണ്ട്.

അതി തീവ്ര മഴയുടെ പശ്ചാത്തലത്തിൽ ഇന്ന് അഞ്ച് ജില്ലകളിൽ റെഡ് അലർട്ട് ആണ്. എറണാകുളം, ഇടുക്കി, തൃശ്ശൂർ, മലപ്പുറം, കോഴിക്കോട് എന്നീ ജില്ലകളിലാണ് റെഡ് അലർട്ട്. തിരുവനന്തപുരം, കൊല്ലം, പത്തനംതിട്ട, കോട്ടയം, ആലപ്പുഴ, പാലക്കാട്, വയനാട്, കണ്ണൂർ എന്നീ ജില്ലകളിൽ അതി ശക്തമായ മഴയ്‌ക്ക് സാദ്ധ്യതയുണ്ട്. അതിനാൽ ഈ ജില്ലകളിൽ ഓറഞ്ച് അലർട്ട് ആണ്. നേരത്തെ കാസർകോട് ജില്ലയിൽ മഴ മുന്നറിയിപ്പ് പുറപ്പെടുവിച്ചിരുന്നില്ല. എന്നാൽ കാസർകോട് ശക്തമായ മഴയ്‌ക്ക് സാദ്ധ്യതയുണ്ടെന്ന കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പിന്റെ അടിസ്ഥാനത്തിൽ യെല്ലോ അലർട്ട് ഏർപ്പെടുത്തിയിട്ടുണ്ട്.

നാളെയും അഞ്ച് ജില്ലകളിൽ റെഡ് അലർട്ട് ആണ്. എറണാകുളം, ഇടുക്കി, തൃശൂർ, കോഴിക്കോട്, കണ്ണൂർ എന്നീ ജില്ലകളിലാണ് റെഡ് അലർട്ട് ഏർപ്പെടുത്തിയിരിക്കുന്നത്.

ഓറഞ്ച് അലർട്ട് ഏർപ്പെടുത്തിയിരിക്കുന്ന ജില്ലകൾ

തിങ്കൾ: കൊല്ലം, പത്തനംതിട്ട, കോട്ടയം, ആലപ്പുഴ, മലപ്പുറം, വയനാട്, കാസർകോട്

ചൊവ്വ: എറണാകുളം, ഇടുക്കി, തൃശൂർ, പാലക്കാട്, മലപ്പുറം, കോഴിക്കോട്
ബുധൻ: എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട്

വ്യാഴം : കണ്ണൂർ, കാസർകോട്

യെല്ലോ അലർട്ട് ഏർപ്പെടുത്തിയിരിക്കുന്ന ജില്ലകൾ

തിങ്കൾ: തിരുവനന്തപുരം, പാലക്കാട്.

ചൊവ്വ: തിരുവനന്തപുരം, കൊല്ലം, പത്തനംതിട്ട, കോട്ടയം, ആലപ്പുഴ, വയനാട്, കണ്ണൂർ, കാസർകോട്

ബുധൻ കോട്ടയം, ഇടുക്കി

വ്യാഴം : തിരുവനന്തപുരം, കൊല്ലം