ഓരോ ഭാരതീയന്റെയും ഉള്ളു തൊടുന്ന സിനിമ; ‘മേജറിനെ’ പ്രശംസിച്ച് അല്ലു അർജുൻ

വിശാഖപട്ടണം: മുംബൈ ഭീകരാക്രമണത്തിൽ വീരമൃത്യുവരിച്ച മലയാളി മേജർ സന്ദീപ് ഉണ്ണികൃഷ്ണന്റെ ജീവിതം ആസ്പദമാക്കി നിർമ്മിച്ച ‘ മേജർ ‘ സിനിമയെ പ്രശംസിച്ച് തെലുങ്ക് നടൻ അല്ലു അർജുൻ. ഓരോ ഭാരതീയന്റെയും ഉള്ളുതൊടുന്ന സിനിമയാണ് മേജർ എന്ന് അദ്ദേഹം പറഞ്ഞു. സിനിമയിലെ അഭിനേതാക്കളെയും അണിയറ പ്രവർത്തകരെയും അദ്ദേഹം അഭിനന്ദിച്ചു.

ട്വിറ്ററിലൂടെയായിരുന്നു അല്ലു അർജുൻ സിനിമയെ പ്രശംസിച്ച് രംഗത്തുവന്നത്. മേജർ സിനിമയുടെ അണിയറ പ്രവർത്തകർക്ക് അഭിനന്ദനങ്ങൾ. ഓരോ ഭാരതീയന്റെയും ഉള്ളു തൊടുന്നതാണ് സിനിമ. ആദിവിശേഷ് ഒരിക്കൽ കൂടി മായാജാലം കാണിച്ചു. പ്രകാശ് രാജ്, രേവതി തുടങ്ങി എല്ലാ താരങ്ങളും നന്നായി പിന്തുണച്ചുവെന്നും അദ്ദേഹം ട്വീറ്റ് ചെയ്തു.

സംവിധായകൻ ശശി ടിക്കയുടെ മികച്ച സിനിമയാണ് ഇത്. കഥ ചിട്ടയായി അവതരിപ്പിച്ചിരിക്കുന്നു. നിർമ്മാതാവ് മഹേഷ് ബാബുവിനോട് ബഹുമാനം മാത്രം. ഹൃദയസ്പർശിയായ സിനിമ. മേജർ ഓരോ ഭാരതീയന്റെയും ഉള്ളുതൊടുന്ന ചിത്രമാണെന്നും അല്ലു അർജുൻ ട്വിറ്ററിൽ കുറിച്ചു.

Big congratulations to the entire team of #MajorTheFilm. A very heart touching film . Man of the show @AdiviSesh does his magic once again. Impactful support by @prakashraaj ji , Revathi , @saieemmanjrekar, #SobhitaDhulipala & all artists . Mind blowing Bsm by @SricharanPakala

— Allu Arjun (@alluarjun) June 4, 2022