റോയൽ എൻഫീൽഡ് പ്രേമികൾക്ക് സന്തോഷ വാർത്തയുമായി കമ്പനി. ഹണ്ടർ 350 എന്ന പേരിൽ തങ്ങളുടെ പുതിയ മോട്ടോർസൈക്കിൾ പുറത്തിറക്കാനാണ് ഇരുചക്ര വാഹന ബ്രാന്‍ഡായ റോയൽ എൻഫീൽഡ്. അതിനായി തങ്ങളുടെ പുതിയ നേക്കഡ് സ്ട്രീറ്റ് മോട്ടോർസൈക്കിളിന്‍റെ പണിപ്പുരയിലാണ് കമ്പനി. സമീപകാലത്ത് ഏറ്റവും കൂടുതൽ പ്രതീക്ഷയോടെ വാഹനപ്രേമികൾ കാത്തിരിക്കുന്ന മോട്ടോർസൈക്കിളാണ് ഹണ്ടർ 350. ഓഗസ്റ്റ് ആദ്യ വാരത്തിൽ വാഹനം അവതിരിപ്പിക്കാനാണ് കമ്പനി കണക്ക് കൂട്ടുന്നത്.
ആഗസ്റ്റ് 4 നും 8 നും ഇടയിൽ മോട്ടോർസൈക്കിൾ അരങ്ങേറ്റം കുറിച്ചേക്കും. ഹണ്ടർ 350 ഒരു കോംപാക്ട് മോട്ടോർസൈക്കിളായിരിക്കുമെന്നാണ് പുറത്ത് വരുന്ന വിവരം. വൃത്താകൃതിയിലുള്ള ഹെഡ്‌ലാമ്പും സ്റ്റബി എക്‌സ്‌ഹോസ്റ്റും ഉള്ള റെട്രോ ലുക്ക് ആയിരിക്കും ഹണ്ടർ 350ക്ക്. മീറ്റിയോർ 350, ക്ലാസിക് 350 എന്നിവയ്‌ക്ക് ശേഷം കമ്പനിയുടെ പുതിയ J-സീരീസ് പ്ലാറ്റ്‌ഫോമിനെ അടിസ്ഥാനമാക്കിയുള്ള മൂന്നാമത്തെ റോയൽ എൻഫീൽഡ് മോട്ടോർസൈക്കിളാണിത്. ഹണ്ടർ 350 ന് കരുത്ത് പകരാൻ പോകുന്നത് മെറ്റിയർ 350-ൽ കാണുന്ന അതേ എഞ്ചിൻ തന്നെയാണ്.
349 സിസി, എയർ കൂൾഡ്, സിംഗിൾ സിലിണ്ടർ എഞ്ചിന്‍ എന്നിവയാണ് ഹണ്ടർ 350 യുടെ പ്രത്യേകത. ഹണ്ടർ 350 യുടെ എഞ്ചിൻ 6100 ആർപിഎമ്മിൽ 20.2 എച്ച്പി പവറും 4,000 ആർപിഎമ്മിൽ 27 എൻഎം ടോർക്കും ഉൽപ്പാദിപ്പിക്കുന്നു. അഞ്ച് സ്‍പീഡ് ഗിയർബോക്സുകളാണ് ഹണ്ടർ 350 കളിൽ. ഹണ്ടർ 350 എന്ന തങ്ങളുടെ പുതിയ മോട്ടോർസൈക്കിൾ പരീക്ഷണം നടത്തുന്ന ചിത്രങ്ങൾ പുറത്ത് വന്നിരുന്നു. പുറത്ത് വന്ന ചിത്രങ്ങളിൽ കമ്പനിയുടെ മെറ്റിയോര്‍ 350 ന്റെ ഒരു സ്പോർട്ടിയർ പതിപ്പായി തോന്നും.
വാഹനത്തിന്‍റെ എക്‌സ്‌ഷോറൂം വില 1.40 ലക്ഷം രൂപ മുതൽ തുടങ്ങുമെന്നാണ് പുറത്ത് വരുന്ന വിവരങ്ങൾ. റോയൽ എൻഫീൽഡ് തങ്ങളുടെ ഹണ്ടർ 350 മോട്ടോർസൈക്കിൾ ആഗസ്റ്റിൽ പ്രദർശിപ്പിക്കും എന്ന് പ്രതീക്ഷിക്കുന്നു. ഹണ്ടർ 350 ഇനി ഇന്യൻ നിരത്തുകളിൽ ചീറിപായും. റോയൽ എൻഫീൽഡ് പ്രേമികളെ സംബന്ധിച്ച് ഹണ്ടർ 350 യുടെ വരവ് ഏറെ പ്രധാനപ്പെട്ടതാണ്.
