ദിസ്പൂർ : മഹാരാഷ്‌ട്രയിൽ നിന്നുളള ശിവസേന വിമത എംഎൽഎമാർ താമസിക്കുന്ന ഗുവാഹത്തിയിലെ ബ്ലൂ ഹോട്ടലിന് മുൻപിൽ തൃണമൂൽ കോൺഗ്രസിന്റെ പ്രതിഷേധം. അസമിലെ പ്രളയത്തിനിടയിലും എംഎൽഎമാരുടെ കച്ചവടത്തിന് ബിജെപി ആതിഥ്യമൊരുക്കുകയാണെന്ന് ആരോപിച്ചായിരുന്നു പ്രതിഷേധം. പ്രവർത്തകരെ പോലീസ് കസ്റ്റഡിയിൽ എടുത്തു.
തൃണമൂൽ കോൺഗ്രസ് സംസ്ഥാന പ്രസിഡന്റ് റിപുൺ ബോറയുടെ നേതൃത്വത്തിലായിരുന്നു പ്രതിഷേധം.’ അസാമിൽ ഏകദേശം 20 ലക്ഷത്തോളം ആളുകൾ വെള്ളപ്പൊക്കം കാരണം ബുദ്ധിമുട്ടുന്നു. എന്നാൽ മുഖ്യമന്ത്രി മഹാരാഷ്ട്ര സർക്കാരിനെ അട്ടിമറിക്കുന്ന തിരക്കിലാണെന്ന് റിപുൺ ആരോപിച്ചു.
മഹാരാഷ്‌ട്രയിലെ രാഷ്ട്രീയ പ്രതിസന്ധിയുടെ പശ്ചാത്തലത്തിലാണ് ഏക്‌നാഥ് ഷിൻഡെയുടെ നേതൃത്വത്തിൽ വിമത ശിവസേന എംഎൽഎമാർ അസമിൽ എത്തിയത്. മഹാരാഷ്‌ട്രയിൽ ധൃതിപിടിച്ച് സർക്കാരുണ്ടാക്കാനില്ലെന്ന് ബിജെപി നേരത്തെ തന്നെ വ്യക്തമാക്കിയിരുന്നു. എന്നിട്ടും ബിജെപിയെ വിഷയത്തിലേക്ക് വലിച്ചിടാനാണ് തൃണമൂൽ കോൺഗ്രസിന്റെ നീക്കം.
എംഎൽസി തിരഞ്ഞെടുപ്പ് ഫലം പ്രഖ്യാപിച്ചതിന് ശേഷമാണ് മഹാരാഷ്‌ട്രയിലെ രാഷ്ട്രീയ പ്രതിസന്ധി ആരംഭിച്ചത്.
Comments