കണ്ണൂർ: അന്താരാഷ്ട്ര വിമാനത്താവളം വഴി വീണ്ടും സ്വർണം കടത്താൻ ശ്രമം. സംഭവത്തിൽ ഒരാൾ പിടിയിലായി. കോഴിക്കോട് സ്വദേശി അബ്ദുറഹ്മാനാണ് പിടിയിൽ ആയത്.
കാൽമുട്ടിനിടയിൽ ഒളിപ്പിച്ചായിരുന്നു ഇയാൾ സ്വർണം കടത്താൻ ശ്രമിച്ചത്. രണ്ട് പോളിത്തീൻ കവറുകളിൽ പൊതിഞ്ഞ നിലയിലായിരുന്നു സ്വർണം. 1.7 കിലോ സ്വർണമാണ് ഇയാൾ വിമാനത്താവളം വഴി കടത്താൻ ശ്രമിച്ചത്.
മസ്ക്കറ്റിൽ നിന്നുമാണ് ഇയാൾ വിമാനത്താവളത്തിൽ എത്തിയത്. ഇയാളിൽ നിന്നും പിടിച്ചെടുത്ത സ്വർണത്തിന് വിപണിയിൽ 90 ലക്ഷം രൂപ വിലവരുമെന്ന് അധികൃതർ അറിയിച്ചു.
Comments