തലയിണ, ഉറങ്ങുമ്പോൾ തലയിണയില്ലെങ്കിൽ ഉറക്കം ശരിയാവില്ല എന്ന് പറയുന്നവരുണ്ട്. ഒരു തലയിണയ്ക്ക് എത്ര രൂപ വരും ? നൂറോ ആയിരമോ പതിനായിരമോ? അല്ല 45 ലക്ഷം എന്നാണ് ഒരു ഫിസിയോ തെറാപ്പിസ്റ്റ് പറയുന്നത്. നീണ്ട ഗവേഷണത്തിനൊടുവിൽ രൂപകൽപ്പന ചെയ്ത ഈ തലയിണയ്ക്ക് 45 ലക്ഷം കുറവാണെന്നാണ് ഫിസിയോ തെറാപ്പിസ്റ്റിന്റെ പക്ഷം.
നെതർലൻഡിലെ ഫിസിയോതെറാപ്പിസ്റ്റ് അദ്ദേഹത്തിന്റെ പതിനഞ്ച് വർഷത്തെ പ്രയത്നത്തിനൊടുവിലാണ് തലയിണ രൂപകൽപ്പന ചെയ്തിരിക്കുന്നത്. ഇതിന്റെ നിർമാണത്തിനു പിന്നിൽ ഒരുപാട് ഗവേഷണങ്ങളും നടന്നിട്ടുണ്ടെന്നാണ് പറയുന്നത്.
എന്നാലും ഈ തലയിണയ്ക്ക് എന്താണ് ഇത്ര വില എന്നാവും പലരുടേയും സംശയം ഈ തലയിണയിൽ ഇന്ദ്രനീലക്കല്ലും സ്വർണ്ണവും വജ്രവും പതിച്ചതാണ് അതിനു കാരണം. അതിനുള്ളിലെ പഞ്ഞിയിൽ റോബോട്ടിക് മില്ലിങ് മെഷീനും ഘടിപ്പിച്ചിട്ടുണ്ട്. നാല് വജ്രങ്ങളാണ് ഇതിൽ ഉള്ളത്.
ഒരു ബ്രാൻഡഡ് ബോക്സിനുള്ളിൽ പാക്ക് ചെയ്താണ് തലയിണ സൂക്ഷിച്ചിരിക്കുന്നത്. എന്നാൽ ഈ തലയിണ അങ്ങനെ എല്ലാവർക്കും ഉപയോഗിക്കാനുള്ളതല്ല. ഉറക്കക്കുറവ് ഉള്ള ആളുകൾക്ക് ഈ തലയിണയിൽ സമാധാനത്തോടെ ഉറങ്ങാൻ കഴിയുമെന്നാണ് ഇതിന്റെ നിർമ്മാതാവ് അവകാശപ്പെടുന്നത്.
