മുംബൈ: ഉപമുഖ്യമന്ത്രി ആയി തിരഞ്ഞെടുക്കപ്പെട്ട ദേവേന്ദ്ര ഫഡ്നാവിസിന് ആശംസകള് നേര്ന്ന് മഹാരാഷ്ട്ര നവനിര്മാണ് സേന (എംഎന്എസ്) നേതാവ് രാജ് താക്കറെ. സ്വന്തം രാഷ്ട്രീയ താല്പര്യങ്ങള്ക്കതീതമായി പാര്ട്ടി നേതൃത്വത്തിന്റെ തീരുമാനങ്ങള്ക്ക് പ്രാധാന്യം നല്കിയതിന് അഭിവാദനം അര്ഹിക്കുന്നുവെന്ന് താക്കറെ വ്യക്തമാക്കി.
श्री. देवेंद्र फडणवीस यांचे अभिनंदन! pic.twitter.com/2TokAB3E1F
— Raj Thackeray (@RajThackeray) July 1, 2022
‘ഉപമുഖ്യമന്ത്രിയായി തിരഞ്ഞെടുക്കപ്പെട്ട ഫഡ്നാവിസിന് ആശംസകള് . മുഖ്യമന്ത്രി പദവിയിലെത്തുമെന്നാണ് ഏവരും കരുതിയിരുന്നത്. സംഭവിച്ചത് എന്താണെങ്കിലും നല്ലതിന്. ഇത്തരത്തിലൊരു സര്ക്കാരിനെ അധികാരത്തിലെത്തിക്കുന്നതില് വളരെയധികം പ്രയത്നിച്ച വ്യക്തിയാണ് താങ്കള്. അദ്ദേഹം അദ്ദേഹത്തിന്റെ സങ്കടം ഉള്ളില് ഒതുക്കി പാര്ട്ടിയുടെ തീരുമാനത്തെ മാനിക്കുകയായിരുന്നു. ആഗ്രഹങ്ങളെക്കാള് വലുതാണ് പാര്ട്ടിയുടെ കല്പനകള്. തന്റെ പ്രവൃത്തിയിലൂടെ അത് വ്യക്തമാക്കുകയാണ്. പ്രവര്ത്തകരും നേതാക്കളും മാതൃകയാക്കണം എന്നും അദ്ദേഹം ട്വിറ്ററിലൂടെ അറിയിച്ചു.
170 എംഎല്എമാര് തങ്ങളുടെ കൂടെ ഉണ്ടെന്നും വിശ്വാസവോട്ട് ഔപചാരികത്വം മാത്രമാണെന്നും ഗോവയില് നിന്നും ഷിന്ഡെ അറിയിച്ചു.ബാലാ സാഹേബിന്റെ ആശയങ്ങളിലൂടെ ആകും പ്രവര്ത്തനമെന്നും സംസ്ഥാനത്തിന്റെ വികസനമാണ് ലക്ഷ്യമെന്നും വ്യക്തമാക്കി. ഷിന്ഡെയുടെ ശിവസേന എംഎന്എസിന് രണ്ട് മന്ത്രിസ്ഥാനങ്ങള് വാഗ്ദാനം ചെയ്തിരുന്നു.
മുഖ്യമന്ത്രി തിരഞ്ഞെടുപ്പിന് പിന്നാലെ ഷിന്ഡെയ്ക്കും രാജ് താക്കറെ ആശംസകള് നേര്ന്നിരുന്നു. സന്തോഷത്തിന്റെ നിമിഷം എന്നാണ് അദ്ദേഹം സ്ഥാനം ഏറ്റെടുത്തതിന് പിന്നാലെ പറഞ്ഞത്.
