കുഞ്ഞുങ്ങളുടെ വീഡിയോകൾക്ക് സമൂഹ മാദ്ധ്യമങ്ങളിൽ ആരാധകർ ഏറെയാണ് . എത്ര ഗൗരവമായി ഇരിക്കുന്ന വ്യക്തിയെയും കുഞ്ഞുങ്ങൾക്ക് നിമിഷ നേരം കൊണ്ട് കയ്യിലെടുക്കാൻ സാധിക്കും. അവരുടെ കുസൃതികളും ചിരിയും കളിയും എല്ലാം മനസ്സിന് സമ്മാനിക്കുക ഒരു പുത്തൻ ഉണർവാണ്. അത്തരത്തിലൊരു വീഡിയോയാണ് സമൂഹമാദ്ധ്യമങ്ങളിൽ ഇപ്പോൾ പ്രചരിക്കുന്നത്.
വീഡിയോയിലെ താരം ഒരു കൊച്ചു മിടുക്കിയാണ്. എല്ലാബെല്ല എന്ന ഈ കൊച്ച് മോഡൽ എഴുന്നേറ്റ ഉടൻ കണ്ണാടിക്ക് മുന്നിലെത്തി സ്വയം മേക്കപ്പ് ചെയ്യുന്നതാണ് വീഡിയോ . തന്റെ അമ്മയുടെ മേക്കപ്പ് സാധനങ്ങളാണ് അതിനായി അവൾ ഉപയോഗിച്ചിരിക്കുന്നത്.
ഐഷാഡോയും ബ്ലഷ് ബ്രഷുമെല്ലാം ഉപയോഗിച്ചുള്ള മേക്കപ്പിന്റെ ക്ലൈമാക്സ് ആണ് എല്ലാവരെയും ചിരിപ്പിക്കുന്നത്. ഒട്ടും പ്രതീക്ഷിക്കാതെ കുഞ്ഞ് മൂക്കിനകത്ത് വിരലിട്ട ശേഷം ഈ വിരൽ നാവിൽ വക്കുന്നതോടെ വീഡിയോ അവസാനിക്കുന്നു.
എല്ലയുടെ അമ്മയാണ് വീഡിയോ സമൂഹമാദ്ധ്യമത്തിൽ പോസ്റ്റ് ചെയ്തിരിക്കുന്നത്. അതും എല്ലയുടെ അക്കൗണ്ടിൽ. 3.8 ദശലക്ഷത്തിലധികം ആളുകളാണ് ഇതിനോടകം വീഡിയോ കണ്ടിരിക്കുന്നത്. നിരവധി പേർ എല്ലക്ക് ലൈക്കുകളും സന്ദേശങ്ങളും അയക്കുന്നുമുണ്ട്.
Comments