കടുത്ത ചൂടിന് ആശ്വാസമായി മഴ ഇങ്ങെത്തിയെങ്കിലും മഴയോടൊപ്പം മഴക്കാലജന്യരോഗങ്ങളും പെരുകുകയാണ്. കൃത്യമായ ആരോഗ്യസംരക്ഷണത്തിലൂടെയും ശുചിത്വത്തിലൂടെയും മാത്രമേ അത്തരം രോഗങ്ങളെ നമുക്ക് പ്രതിരോധിക്കാനാവൂ.
മഴക്കാലത്ത് നല്ല തണുപ്പുള്ളതിനാൽ ഭൂരിഭാഗം പേരെയും അലട്ടുന്ന ഒന്നാണ് ജലദോഷവും ചുമയും. ഇവ മൂലം ശരീരം വല്ലാതെ തളരുന്നവരുമുണ്ട്. അത്തരക്കാർക്ക് അണുബാധകളിൽ നിന്ന് മുൻകൂട്ടി രക്ഷ തേടാൻ സഹായിക്കുന്ന അതുഗ്രൻ ചായയാണ് ഇപ്പോൾ മിക്ക ആയുർവേദ ഡോക്ടർമാരും ശുപാർശ ചെയ്യുന്നത്.
1
മല്ലിയും ജീരകവും ഉപയോഗിച്ചുള്ള ചായയാണ് ആദ്യത്തേത്
വറുത്തമല്ലിയും ജീരകവും പെരുംജീരകവും കുറച്ച് കുരുമുളകും പൊടിച്ചെടുക്കുക. ഒരു ഗ്ലാസ് വെള്ളം തിളപ്പിച്ച് ഒരു ടീസ്പൂൺ പൊടി ചേർത്ത് അരിച്ചെടുത്ത് കുടിയ്ക്കുക. സ്വാദിഷ്ടമായ ഒന്നല്ലെങ്കിലും വളരെയധികം ഗുണകരമായ ഒരു പാനീയമാണിത്.
2
ലെമൺ ഗ്രാസും ഇഞ്ചിയും ചേർത്ത ഒരു ‘ഡീടോക്സ്’ പാനീയമാണ് അടുത്തത്. ശരീരത്തിലെ വിഷാംശങ്ങൾ പുറന്തള്ളുന്നതിന് സഹായിക്കുന്ന ഇത് പ്രതിരോധശേഷി വർദ്ധിപ്പിക്കുന്നതിന് സഹായിക്കുമെന്നാണ് പഠനങ്ങൾ സൂചിപ്പിക്കുന്നത്.
ലെമൺ ഗ്രാസ്, ഇഞ്ചി, ചെറുനാരങ്ങ, തുളസി,ഏലയ്ക്ക, ഗ്രാമ്പു എന്നിവയാണ് ഈ ചായ തയ്യാറാക്കാൻ ആവശ്യമായിട്ടുള്ള ചേരുവകൾ. മധുരത്തിനായി അൽപ്പം തേനോ കരിപ്പട്ടി ചേർക്കുകയുമാവാം.
എല്ലാ ചേരുവകളും ഒരുമിച്ച് വെള്ളത്തിൽ ചേർത്ത് തിളയ്പ്പിക്കുക. നന്നായി തിളച്ച് വെള്ളത്തിന്റെ നിറം മാറിക്കഴിഞ്ഞാൽ തേൻ ചേർത്ത് ചൂടോടെ കുടിയ്ക്കാം.
Comments