ഉത്തർപ്രദേശ്: രാജ്യത്തിന്റെ 75ാമത് സ്വാതന്ത്ര്യ ദിനത്തോടനുബന്ധിച്ച് 3 കോടിയിലധികം ത്രിവർണ്ണ പതാകകൾ നിർമ്മിച്ച് ഉത്തർപ്രദേശ് സർക്കാർ. സംസ്ഥാനത്താകെ 4.26 കോടി വീടുകളിലും , 50 ലക്ഷം സർക്കാർ സ്ഥാപനങ്ങളിലും ദേശീയ പതാക ഉയർത്താൻ ഒരുങ്ങുകയാണെന്നാണ് ഔദ്യോഗിക അറിയിപ്പ്. ആസാദി കാ അമൃത് മഹോത്സവം പ്രമാണിച്ച് കേന്ദ്ര സർക്കാർ നടപ്പിലാക്കുന്ന ഹർ ഘർ തിരംഗ ക്യാമ്പയിന്റെ ഭാഗമായി രാജ്യത്തുടനീളം 4.76 കോടി വീടുകളാണ് സർക്കാർ ലക്ഷ്യം വച്ചിരിക്കുന്നത്. ഇതുവരെ 3.86 കോടി ത്രിവർണ്ണ പതാകകൾ നിർമ്മിച്ചതായി സർക്കാർ അറിയിച്ചു.
സംസ്ഥാനത്തെ വിവിധ സംഘടനകൾ , എൻ ജി ഒ , ചെറുകിട സംരംഭങ്ങൾ , സ്വകാര്യ തയ്യൽ തൊഴിലാളികൾ എന്നിവരെയും ഉൾപ്പെടുത്തിയാണ് ത്രിവർണ്ണ പതാക നിർമ്മിക്കുന്നത്. ഈ പ്രവർത്തനത്തിന് വേണ്ടി രാപ്പകലില്ലാതെ പ്രവർത്തിക്കുന്നുണ്ടെന്നും ഇതുവരെ സംസ്ഥാനത്ത് 1.15 കോടി ത്രിവർണ്ണ പതാകകൾ ഇവർ നിർമ്മിച്ചതായും സർക്കാർ പറഞ്ഞു. സംസ്ഥാനത്തെ വനിതാ സ്വയം സഹായ സംഘങ്ങൾ 96 ലക്ഷം പതാകകൾ നിർമ്മിച്ച് നൽകിയിട്ടുണ്ട്. ഇവർ ആകെ നിർമ്മിക്കുക 2.26 കോടി ത്രിവർണ്ണ പതാകകളാണ്.
യു പി ഖാദി ഗ്രാമ വ്യവസായ ബോർഡ് 36 .4 ലക്ഷം പതാക നിർമ്മിച്ചു. രാജ്യം വിപുലമായി സ്വാതന്ത്ര്യ ദിനം ആഘോഷിക്കാൻ തയ്യാറെടുക്കുമ്പോൾ യു പി സർക്കാർ വ്യത്യസ്ത ആശയം മുന്നോട്ട് വെക്കുകയാണ്. ഇതിലൂടെ സംസ്ഥാനത്തെ സാധാരണ ജനങ്ങൾക്ക് വലിയ വരുമാനം ഉണ്ടാക്കാനും സാധിക്കുമെന്നും പറയുന്നു.
Comments