ജോലി അന്വേഷിക്കുന്നയാളുകൾക്ക് ഇതാ ഒരു സുവർണ്ണാവസരം. വെറുതെ ഇരുന്ന് മിഠായി കഴിക്കുകയാണ് ജോലി. പ്രതിമാസം ഒരു ലക്ഷം കനേഡിയൻ ഡോളർ, അതായത് 61 ലക്ഷം രൂപ ലഭിക്കും. കാനേഡിയിലെ മിസിസാഗ പട്ടണത്തിൽ സ്ഥിതി ചെയ്യുന്ന മിഠായി കമ്പനിയായ കാൻഡി ഫൺഹൗസാണ് ജോലി വാഗ്ദാനം ചെയ്തുകൊണ്ട് രംഗത്തെത്തിയിരിക്കുന്നത്.
ചോക്ലേറ്റ് ബാറുകൾ മുതൽ ലൈക്കോറൈസ് വരെയുള്ള മിഠായികൾ കമ്പനി കച്ചവടം ചെയ്യുന്നുണ്ട്. കമ്പനിയിലെ ചീഫ് കാൻഡി ഓഫീസർ എന്ന പോസ്റ്റിലേക്കാണ് അപേക്ഷകൾ ക്ഷണിക്കുന്നത്. ജോലി വീട്ടിൽ ഇരുന്ന് തന്നെ ചെയ്യാനാകും. ലിങ്ക്ഡ് ഇന്നിലൂടെയാണ് കമ്പനി ജോലിയുടെ വിശദാംശങ്ങൾ പോസ്റ്റു ചെയ്തത്. ലോകത്തിലെ ആദ്യത്തെ ചീഫ് കാൻഡി ഓഫീസറായിരിക്കും ഇതെന്ന് പരസ്യത്തിൽ കമ്പനി പറയുന്നു.
മിഠായികൾ രുചിക്കുക, പുതിയ ഉൽപ്പന്നങ്ങൾക്ക് ഓഫിസറുടെ സീൽ വച്ച് അംഗീകാരം നൽകുക, കമ്പനി ബോർഡ് മീറ്റിംഗുകൾ നടത്തുക, നിലവിലുള്ളവ പരിശോധിക്കുക തുടങ്ങിയ ചുമതലകളാണ് ചീഫ് കാൻഡി ഓഫീസർക്കുളളത്. ഈ ജോലിയിൽ പ്രായവും ഒരു പ്രശ്‌നമല്ല. അഞ്ച് വയസ്സ് മുതൽ മുകളിലേയ്‌ക്ക് അപേക്ഷിക്കാം. കുട്ടികളാണ് അപേക്ഷിക്കുന്നതെങ്കിൽ മാതാപിതാക്കളുടെ അനുമതിയും ആവശ്യമാണ്. അപേക്ഷിക്കുന്നയാൾ ഒരു മധുരപ്രിയനായിരിക്കണം എന്ന് മാത്രം.
Hiring: CHIEF CANDY OFFICER! 🍭 Are you passionate about CANDY, POP CULTURE and FUN? Get paid 6 figures to lead our Candyologists. Job is open to ages 5+, you can even apply on behalf of your kid! #DreamJob #hiring #careers #candy pic.twitter.com/p9mmlPg5R6
— Candy Funhouse (@CandyFunhouseHQ) July 19, 2022
18 വയസിസ് മുകളിലുള്ളവർ ആഴ്ചയിൽ 40 മണിക്കൂർ ജോലി ചെയ്യണം. ആളുകളുടെ ഷെഡ്യൂൾ അനുസരിച്ച് സ്ഥാനം മാറും. അത് കൂടാതെ എത്ര നാൾ വേണമെങ്കിലും ഈ ജോലിയിൽ തുടരാനാകും. അഞ്ചു വയസ്സുകാരന് ജീവിതകാലം മുഴുവനും ഈ ജോലി ചെയ്യാമെന്നും കമ്പനി പറയുന്നുണ്ട്. ജോലി ലഭിക്കുന്നവർക്ക് ഡെന്റൽ കവറേജും ഉണ്ടായിരിക്കുമെന്നും കമ്പനി പറയുന്നു.
കമ്പനിയുടെ ഈ പോസ്റ്റ് വൈറലായതോടെ ജോലിയ്‌ക്ക് മുതിർന്നവരെ കൂടാതെ നിരവധി കുട്ടികളും അപേക്ഷിച്ചിട്ടുണ്ട്. രക്ഷിതാക്കൾ തങ്ങളുടെ കുട്ടികൾ അപേക്ഷ പൂരിപ്പിക്കുന്നത് ചിത്രീകരിക്കുകയും വീഡിയോകൾ സമൂഹമാദ്ധ്യമങ്ങളിൽ പോസ്റ്റ് ചെയ്യുകയും ചെയ്തിട്ടുണ്ട്.
