മഴക്കാലെമത്തുമ്പോൾ രോഗങ്ങളും സർവ്വസാധാരണമാണ്. ഇടമുറിയാതെ പെയ്യുന്ന മഴക്കാലത്ത് ദിനചര്യകളിൽ അല്പം ശ്രദ്ധ ചെലുത്തിയാൽ രോഗങ്ങൾ വരാതെ നോക്കാം.
മഴക്കാലത്ത് പോക്ഷകസമൃദമായ ഭക്ഷണക്രമം ഉണ്ടായിരിക്കുക എന്നത് വളരെ പ്രധാനമാണ്. ഇതിൽ ഉൾപ്പെടുത്താവുന്ന ഒന്നാണ് ചോളം. ഒരു സൂപ്പർ ഫുഡാണ് ചോളമെന്നാണ് സെലിബ്രിറ്റി ന്യൂട്രീഷ്യനിസ്റ്റായ റുജുത ദിവേകർ പറയുന്നത്.
ചോളത്തിൽ വിറ്റാമിൻ ബിയും ഫോളിക് ആസിഡും ധാരാളം അടങ്ങിയിട്ടുണ്ട്. നാരുകളാൽ സമ്പന്നമാണ് ചോളം. ഭക്ഷണക്രമത്തിൽ ചോളം വേണ്ടത്ര അളവിൽ ചേർക്കുന്നതിലൂടെ വിളർച്ചയ്ക്ക് കാരണമാകുന്ന പ്രശ്നങ്ങൾ പരിഹരിക്കാനാകും, പ്രത്യേകിച്ച് സ്ത്രീകളിലും കുട്ടികളിലും. ശരീരത്തിൽ ആവശ്യമായ.അളവിൽ ഇരുമ്പ് അടങ്ങിയിരിക്കുന്നത് കണ്ണുകൾ, മുടി, ചർമ്മം എന്നിവയുടെ ആരോഗ്യത്തിന് അത്യന്താപേക്ഷിതമാണ്. ചോളത്തിൽ ധാരാളം ഇരുമ്പ് അടങ്ങിയിട്ടുള്ളതിനാൽ ഇത് വളരെയധികം സഹായിക്കുന്നു.
മലബന്ധം ഇല്ലാതാക്കാൻ ചോളം കഴിക്കുന്നത് നല്ലതാണ്. രക്തത്തിലെ ഗ്ലൂക്കോസിന്റെ അളവും ചോളം നിയന്ത്രിക്കുന്നു. വെറുതെ പുഴുങ്ങിയോ, വറുത്തെടുത്തോ,റൊട്ടികളാക്കിയോ, അങ്ങനെ ഏത് രൂപത്തിൽ വേണമെങ്കിലും ചോളം കഴിക്കുന്നത് ആരോഗ്യത്തിന് നല്ലതാണ്.
ചോളത്തിൽ അടങ്ങിയിട്ടുള്ള പ്രോട്ടീനുകളും ഫൈറ്റോകെമിക്കലുകളും അത്തരം വീക്കങ്ങളിൽ നിന്ന് ശരീരത്തിന് സംരക്ഷണം നൽകുന്നു. ശരീരത്തിന് പ്രതിരോധശേഷി നൽകിയാണ് ഇത് സാധിയ്ക്കുന്നത്
