തിരുവനന്തപുരം: ബാലഗോകുലം കോഴിക്കോട് സംഘടിപ്പിച്ച മാതൃസമ്മേളനത്തിൽ പങ്കെടുത്ത മേയർ ബീനാ ഫിലിപ്പിനെതിരെ സിപിഎമ്മിൽ നിന്നുയരുന്ന വിമർശനങ്ങളിൽ പ്രതികരണവുമായി കേന്ദ്ര വിദേശകാര്യ സഹമന്ത്രി വി. മുരളീധരൻ. ചില മതങ്ങളുടെ ആചാരങ്ങളെ മാത്രമേ സിപിഎം അംഗീകരിക്കുന്നുള്ളൂ. ശ്രീകൃഷ്ണ വിഗ്രഹത്തിൽ മാല ചാർത്തിയത് എങ്ങനെ തെറ്റാകുമെന്നും അദ്ദേഹം ചോദിച്ചു.
ശ്രീകൃഷ്ണ വിഗ്രഹത്തിൽ മാല ചാർത്തിയത് എങ്ങനെ തെറ്റാകും?. അതിനാണോ മേയർക്കെതിരെ നടപടി സ്വീകരിച്ചിരിക്കുന്നത്?. ചില മതങ്ങളുടെ ആചാരങ്ങളെ മാത്രമാണ് സിപിഎം അംഗീകരിക്കുന്നത്. സിപിഎം പ്രവർത്തകർ ഹജ്ജിന് പോകുന്നില്ലേ?. ചില മതങ്ങളിൽ വിശ്വസിച്ചാൽ നടപടി. എന്നാൽ ചില മതങ്ങളിൽ വിശ്വസിച്ചാൽ നടപടി ഇല്ലെന്നും മുരളീധരൻ പറഞ്ഞു.
ഭരണ ഘടന മൂല്യങ്ങളുടെ കാവലാളാണ് ഗവർണർ. തിരക്ക് പിടിച്ചു ഓർഡിനൻസ് കൊണ്ട് വന്നത് എന്തിനാണ്?. മുഖ്യമന്ത്രിക്ക് എതിരെ ലോകയുക്തക്കു മുന്നിൽ കേസ് നിൽക്കുന്നതാണോ ഇതിനു പിന്നിൽ?. ഓർഡിനൻസിന് പിന്നിലെ ചേതോവികാരം അത് തന്നെ ആണെന്ന് ഉറപ്പാണ്. കേന്ദ്രം ഓർഡിനൻസ് കൊണ്ട് വരുമ്പോൾ വിമർശനം ഉന്നയിക്കുന്ന ആളാണ് യെച്ചൂരി. കേരളത്തിൽ ഓർഡിനൻസ് കൊണ്ട് വരുമ്പോൾ എന്താണ് നിലപാട് എന്നു വ്യക്തമാക്കണമെന്നും മുരളീധരൻ ആവശ്യപ്പെട്ടു.
