ബർമിംഗ്ഹാം: കോമൺവെൽത്ത് ഗെയിംസിലെ മികച്ച പ്രകടനത്തോടെ ഇന്ത്യൻ വനിതാക്രിക്കറ്റ് താരങ്ങളുടെ റാങ്കിംഗിലും മുന്നേറ്റം. ബാറ്റർമാരിൽ മികച്ച മുന്നേറ്റം നടത്തിയത് കോമൺവെൽത്തിൽ 146 റൺസ് അടിച്ചെടുത്ത ജെമീമാ റോഡ്രിഗ്സാണ്.
ഏഴു പോയിന്റുകൾ കൂടുതൽ നേടിയതോടെ ആദ്യ 10 ബാറ്റർമാരിലേയ്ക്ക് ജമീമ എത്തി. 2021 ഒക്ടോബറിന് ശേഷമാണ് ജമീമ മികച്ച നേട്ടത്തിലേയ്ക്ക് എത്തുന്നത്. ജമീമയ്ക്ക് ഒപ്പം രേണുക സിംഗും റാങ്കിംഗിൽ നേട്ടം കൈവരിച്ചു.
കോമൺവെൽത്തിലെ വിക്കറ്റ് വേട്ടക്കാരിലാണ് രേണുക സ്ഥാനം പിടിച്ചത്. 11 വിക്കറ്റുകൾ സ്വന്തമാക്കിയതോടെ അന്താരാഷ്ട്ര താരങ്ങളിൽ ആദ്യ 20ലേയ്ക്ക് രേണുക ആദ്യമായി കടന്നു. ബാറ്റർമാരിൽ ഒന്നാം സ്ഥാനത്തുള്ളത് ഓസ്ട്രേലിയയുടെ ഓപ്പണർ ബേക് മൂണിയാണ്. ബൗളിംഗിൽ ഇംഗ്ലണ്ടിന്റെ സോഫി എക്ലീസ്റ്റോൺ ഒന്നാമതായി. രണ്ടും മൂന്നും സ്ഥാനത്തും ഇംഗ്ലീഷ് താരങ്ങളാണ്.
Comments