കൊല്ലം : കൊല്ലത്ത് 15 വയസുകാരി വീട്ടിൽ പ്രസവിച്ചു. കുളത്തൂപ്പുഴയിലാണ് സംഭവം. 2016 ലെ പോക്സോ കേസ് ഇരയാണ് പെൺകുട്ടി. സംഭവത്തിൽ അയൽവാസിയായ 17 കാരൻ നിരീക്ഷണത്തിലാണ്.
രണ്ട് ദിവസം മുൻപാണ് കുളത്തൂപ്പുഴയിലെ വീട്ടിൽ 15 കാരി പ്രസവിച്ചത്. തുടർന്ന് പെൺകുട്ടിയുടെ അമ്മ താൻ പ്രസവിച്ചുവെന്ന് പറഞ്ഞ് പുനലൂർ താലൂക്ക് ആശുപത്രിയിൽ എത്തുകയായിരുന്നു. എന്നാൽ ഡോക്ടർമാർക്ക് സംശയം തോന്നിയതോടെ നടത്തിയ പരിശോധനയിലാണ് പ്രസവിച്ചത് അമ്മയല്ല 15 കാരിയാണെന്ന് കണ്ടെത്തിയത്.
പോലീസിനെ വിവരം അറിയിച്ചതിനെ തുടർന്ന് ഉദ്യോഗസ്ഥർ എത്തി കുട്ടിയുടെ മൊഴി രേഖപ്പെടുത്തി. അയൽവാസിയായ 17 കാരനാണ് പ്രതിയെന്നാണ് പെൺകുട്ടിയുടെ മൊഴിയിൽ നിന്നും വ്യക്തമാകുന്നത്. ഇത് സ്ഥിരീകരിക്കണമെങ്കിൽ ഡിഎൻഎ പരിശോധന നടത്തണം. 15 കാരിയും കുഞ്ഞും പുനലൂർ താലൂക്ക് ആശുപത്രിയിൽ ചികിത്സയിലാണ്.
Comments