സ്വാതന്ത്ര്യദിനത്തിൽ ഇന്ത്യയ്‌ക്ക് ജപ്പാന്റെ സ്നേഹാദരം; സംഗീത ഉപകരണങ്ങളുടെ അകമ്പടിയാൽ ദേശീയഗാനം ആലപിച്ച് എംബസി ഉദ്യോഗസ്ഥർ; നന്ദി പറഞ്ഞ് ഇന്ത്യക്കാർ- Japan in India presents vocal, instrumental rendition of India’s National Anthem

ന്യൂഡൽഹി: 76ാം സ്വാതന്ത്ര്യദിനത്തിൽ ഇന്ത്യയ്‌ക്ക് ജപ്പാന്റെ സ്നേഹാദരം. സംഗീത ഉപകരണങ്ങളുടെ അകമ്പടിയാൽ ദേശീയഗാനം ആലപിച്ചാണ് ജപ്പാൻ ഇന്ത്യയോടുള്ള ആദരവ് പ്രകടമാക്കിയത്. ഇന്ത്യയിലെ ജപ്പാൻ എംബസിയിലെ ഉദ്യോഗസ്ഥരാണ് സ്വാതന്ത്ര്യദിനത്തിൽ ദേശീയഗാനം ആലപിച്ചത്. ട്വിറ്ററിലൂടെയാണ് എംബസി ദേശീയ ഗാനം പുറത്തുവിട്ടത്.

ഗാനത്തിന് മുന്നോടിയായി സ്വാതന്ത്ര്യദിനം ആഘോഷിക്കുന്ന എല്ലാ ഇന്ത്യക്കാർക്കും ആശംസകൾ നേർന്നുകൊണ്ടുള്ള സന്ദേശവും ഉന്നത ഉദ്യോഗസ്ഥൻ പങ്കുവയ്‌ക്കുന്നുണ്ട്. ഈ വർഷം ഇന്ത്യ 76ാം സ്വാതന്ത്ര്യദിനവും, ജപ്പാനുമായുള്ള ദൃഢ ബന്ധത്തിന്റെ 70ാം വാർഷികവും ആഘോഷിക്കുകയാണ്. സ്വാതന്ത്ര്യദിനമാഘോഷിക്കുന്ന എല്ലാ ഇന്ത്യക്കാർക്കും അഭിനന്ദനങ്ങൾ. ഇന്ത്യയുടെ സ്വാതന്ത്ര്യം ഇരു രാജ്യങ്ങൾക്കുമൊപ്പം ഒന്നിച്ച് ആഘോഷിക്കാമെന്നും സന്ദേശത്തിൽ പറയുന്നു. ഇതിന് ശേഷമാണ്
1.59 സെക്കന്റ് ദൈർഘ്യമുള്ള ദേശീയഗാനാലാപനം.

ഇന്ത്യൻ പതാക കൈകളിലേന്തിയാണ് ഉദ്യോഗസ്ഥർ ദേശീയഗാനം ആലപിച്ചത്. പശ്ചാത്തലത്തിൽ ജപ്പാനിലെ കലാകാരന്മാർ വാദ്യോപകരണങ്ങൾ വായിക്കുന്നതും വീഡിയോയിൽ കാണാം. എംബസി സമുച്ചയത്തിലെ ആൽ മരത്തിന് ചുവട്ടിൽ നിന്നുകൊണ്ടാണ് ഉദ്യോഗസ്ഥർ ദേശീയഗാനം ആലപിച്ചത്.

അതേസമയം ഇന്ത്യയോട് ആദരവ് പ്രകടിപ്പിച്ച് പങ്കുവെച്ച വീഡിയോ നിമിഷങ്ങൾ കൊണ്ടുതന്നെ വൈറൽ ആയി. ഇന്ത്യയ്‌ക്ക് സ്വാതന്ത്ര്യദിനാശംസകൾ നേർന്ന ജപ്പാന് ഇന്ത്യക്കാർ നന്ദിയും അറിയിച്ചു.

#WATCH Embassy of Japan in India presents a vocal & instrumental rendition of the National Anthem of India on India's Independence Day

(Source: Embassy of Japan in India) pic.twitter.com/td4ItM1xDm

— ANI (@ANI) August 15, 2022