ബോളിവുഡിലെ ഡാൻസിംഗ് ഹീറോയ്ക്ക് സിനിമയോട് മാത്രമല്ല കമ്പം എന്ന് ആരാധകർക്ക് നല്ലപോലെ അറിയാം. മുന്തിയ ഇനം റേസിംഗ് ബൈക്കുകളോടുള്ള തന്റെ ഭ്രമം നിരവധി ബോളിവുഡ് സിനിമകളിൽ ബൈക്ക് റെയ്സർ ആയി വേഷമിടാനുള്ള അവസരം അദ്ദേഹത്തെ തേടി എത്തിയിട്ടുണ്ട്. എന്നാൽ ഡസൻ കണക്കിന് ബൈക്കുകളുള്ള തന്റെ ഗാരേജിലേക്ക് 12 ലക്ഷത്തിന്റെ ചുറുചുറുക്കുള്ള ഡുക്കാട്ടിയെ കൂടി എത്തിക്കുകയാണ് ഷാഹിദ്.
പുതിയതായി വാങ്ങിയ ഡുക്കാട്ടിയിൽ ഇരിക്കുന്ന താരത്തിന്റെ ചിത്രം ഇൻസ്റ്റാഗ്രാമിൽ ഇതിനോടകം വൈറലായി കഴിഞ്ഞു. മനോഹരമായ യാത്രകൾ ആസ്വദിക്കൂ എന്ന തലക്കെട്ടോടെ പങ്കു വെച്ച ചിത്രത്തിന് കീഴിൽ നിരവധി കമന്റുകളാണ് ഒഴുകിയെത്തുന്നത്. 12 ലക്ഷം രൂപക്ക് വാങ്ങിയ റേസിംഗ് ചമ്പ്യൻ നികുതി അടവും കഴിഞ്ഞു ഇന്ത്യൻ നിരത്തുകളിൽ ഇറങ്ങുമ്പോൾ 14 ലക്ഷം രൂപയാകും. മുൻപും താരം ഡുക്കാട്ടിയുടെ സ്ക്രബ്ളർ 1100 എന്ന ലിമിറ്റഡ് എഡിഷൻ സീരീസിലെ ബൈക്ക് സ്വന്തമാക്കിയിട്ടുണ്ട്. പുതിയ ബൈക്കിന്റെ പിൻ സീറ്റ് ഒഴിച്ചിട്ട് ഇരിക്കുന്ന താരത്തിനോട് എന്നെയും കൂട്ടുമോ നമുക്കൊരുമിച്ച് റൈഡിന് പോകാം എന്ന രസകരമായ കമന്റുകളാണ് നിറയുന്നത്.
Comments