തൃശൂർ: പാലിയേക്കരയിൽ ഇന്ന് രാതി മുതൽ ടോൾ നിരക്ക് വർദ്ധിപ്പിക്കാൻ തീരുമാനം. ഒരു വശത്തേയ്‌ക്ക് യാത്ര ചെയ്യുന്ന നിരക്കിൽ 15 ശതമാനം വർദ്ധന വരുത്താനാണ് തീരുമാനിച്ചിരിക്കുന്നത്. ഇനിമുതൽ പാലിയേക്കര ടോൾ കടക്കണമെങ്കിൽ ഓരോ വാഹനങ്ങൾക്കും 10 മുതൽ 65 രൂപ വരെ കൂടും.
ഒരു വശത്തേയ്‌ക്ക് സഞ്ചരിക്കാൻ 80 രൂപ ആയിരുന്നത് 90 രൂപയാകും. ചെറുകിട വാണിജ്യ വാഹനങ്ങൾക്ക് 140 രൂപയിൽ നിന്ന് 160 രൂപയായും, ഒന്നിൽ കൂടുതൽ യാത്ര ചെയ്യുന്നതിന് 235 രൂപയുമാകും പുതുക്കിയ നിരക്ക്.
എല്ലാ വർഷവും പാലിയേക്കര ടോൾ പ്ലാസയിൽ ടോൾ പരിഷ്ക്കരണം നടത്തുന്നത് സെപ്തംബർ ഒന്നിനാണ്. കഴിഞ്ഞ രണ്ടു വർഷങ്ങളിൽ ഇവിടെ വർദ്ധനവുണ്ടായിരുന്നില്ല. നരേന്ദ്ര മോദി സർക്കാർ ടോൾ പ്ലാസകൾ പൂർണ്ണമായും ഒഴിവാക്കുന്നതിന് കുറിച്ച് തീരുമാനമെടുക്കാനിരിക്കുന്ന സമയത്താണ് പാലിയേക്കര ടോൾ പ്ലാസയിൽ നിരക്ക് വർദ്ധനവ് ഉണ്ടാകുന്നത്
