തങ്ങളുടെ ആരാധകർക്ക് മുന്നിൽ ഓഡി Q3 അവതരിപ്പിച്ച് ഓഡി ഇന്ത്യ. രണ്ട് വേരിയന്റുകളിലായി ലഭിക്കുന്ന വാഹനത്തിന്റെ എക്സ്-ഷോറൂം വില 44.89 ലക്ഷം രൂപയിൽ ആരംഭിക്കുന്നു. പ്രീമിയം പ്ലസ്, ടെക്നോളജി എന്നിങ്ങനെയാണ് ഓഡി Q3 വേരിയന്റുകൾ. നേരത്തെ രണ്ട് ലക്ഷം രൂപയ്ക്കായിരുന്നു വാഹനത്തിന്റെ ബുക്കിംഗ് ആരംഭിച്ചിരുന്നത്. ആദ്യത്തെ 500 ഉപഭോക്താക്കൾക്ക് 2+3 വർഷത്തെ വിപുലീകൃത വാറന്റിയുടെയും 3 വർഷം / 50,000 കിലോമീറ്റർ സമഗ്ര സേവന പാക്കേജിന്റെയും അധിക ആനുകൂല്യങ്ങൾ ലഭിക്കുമെന്നും കമ്പനി അറിയിച്ചിരുന്നു. 2022 അവസാനത്തോടെ മാത്രമേ വാഹനത്തിന്റെ ഡെലിവറി നടക്കുകയുള്ളു.
കമ്പനി ലൈനപ്പിലെ Q2, Q5 എസ്യുവികൾക്കിടയിലായിരിക്കും ഓഡി Q3യുടെ സ്ഥാനം. ഷഡ്ഭുജാകൃതിയിലുള്ള ഫ്രണ്ട് ഗ്രില്ലോടുകൂടിയ മസ്കുലർ ബോഡി നൽകിയിരിക്കുന്ന പുതിയ ഓഡി Q3-യ്ക്ക് Q5-ൽ കാണുന്നത് പോലെയുള്ള ഡിസൈൻ ലഭിക്കുന്നു. വലിയ ഹെഡ്ലാമ്പുകൾ, വശങ്ങളിൽ ബോഡി ലൈനുകൾ, ഡിഫ്യൂസ്ഡ് ലൈറ്റിംഗോടുകൂടിയ സ്പ്ലിറ്റ് എൽഇഡി ടെയിൽ ലാമ്പുകൾ, പനോരമിക് ഗ്ലാസ് സൺ റൂഫ്, ആംഗ്യ നിയന്ത്രിത ടെയിൽ ഗേറ്റ്, പുതുക്കിയ ഫ്രണ്ട് ആൻഡ് റിയർ ബമ്പറുകൾ എന്നിവയും ഓഡി Q3-യുടെ ഭംഗി വർദ്ധിപ്പിക്കുന്നു.
ഓഡി Q3 പ്രീമിയം പ്ലസ് വേരിയന്റിന് 45.72 cm (R18) 5 ആം സ്റ്റൈൽ അലോയ് വീലുകൾ, ഒരു ക്വാട്രോ ഓൾ-വീൽ ഡ്രൈവ് സിസ്റ്റം, ഉയർന്ന ഗ്ലോസ് സ്റ്റൈലിംഗ് പാക്കിംഗ്, ഹീറ്റഡ് പവർ ഫോൾഡിംഗ്, ഓട്ടോ ഡിമ്മിംഗ് എക്സ്റ്റീരിയർ മിററുകൾ എന്നിവ ലഭിക്കുന്നു. സ്പോർട് ഡ്രൈവിംഗിന് ക്രമീകരിക്കാവുന്ന സീറ്റിംഗ്, ലെതർ കവറിംഗ് ഉള്ള 3 സ്പോക്ക് മൾട്ടിഫംഗ്ഷൻ സ്റ്റിയറിംഗ് വീൽ, സ്റ്റോറേജ്, ലഗേജ് കംപാർട്ട്മെന്റുകൾ, ഫ്രെയിംലെസ് ഓട്ടോ-ഡിമ്മിംഗ് ഇന്റീരിയർ റിയർ വ്യൂ മിറർ, 2 സോൺ ക്ലൈമറ്റ് കൺട്രോൾ, റീജനറേറ്റീവ് ബ്രേക്കിംഗ് സഹിതമുള്ള സ്റ്റാർട്ട്/സ്റ്റോപ്പ് സിസ്റ്റം, സ്പീഡ് ലിമിറ്ററോട് കൂടിയ ക്രൂയിസർ കൺട്രോൾ സിസ്റ്റം എന്നിവയും വാഹനത്തിന് കമ്പനി വാഗ്ദാനം ചെയ്യുന്നു.
6 എയർബാഗുകൾ, അഡാപ്റ്റീവ് ക്രൂയിസ് കൺട്രോൾ, 360 ഡിഗ്രി സറൗണ്ട് വ്യൂ ക്യാമറ, ലെയ്ൻ കീപ്പിംഗ് അസിസ്റ്റ്, ISOFIX ചൈൽഡ് സീറ്റ് മൗണ്ടുകൾ, ട്രാഫിക് ജാം അസിസ്റ്റ് എന്നിവയും ഓഡി ക്യു 3-യ്ക്ക് ലഭിക്കുന്നു. 187 ബിഎച്ച്പി കരുത്തും 320 എൻഎം ടോർക്കും ഉൽപ്പാദിപ്പിക്കുന്ന 2.0 ലിറ്റർ, ഫോർ സിലിണ്ടർ, ടിഎഫ്എസ്ഐ ടർബോ പെട്രോൾ എൻജിനാണ് പുതിയ ഔഡി ക്യു 3-യ്ക്ക്. 7 സ്പീഡ് ഓട്ടോമാറ്റിക് ട്രാൻസ്മിഷനുമായി ജോടിയാക്കിയ ഈ മോട്ടോർ ക്വാട്രോ ഓൾ-വീൽ ഡ്രൈവ് സിസ്റ്റം വഴി നാല് ചക്രങ്ങളിലും പവർ നൽകുന്നു. 7.3 സെക്കന്റിൽ 01-00 കിലോമീറ്റർ വേഗതയിൽ വാഹനം കുതിക്കുമെന്നാണ് കമ്പനി അവകാശപ്പെടുന്നു.
Comments