സിനിമാ താരങ്ങൾക്ക് പൊതുവേ ആരാധകർ ഏറെയാണ്. തങ്ങളുടെ ഇഷ്ട താരങ്ങൾക്കായി ആരാധകർ ക്ഷേത്രം പണിതതും, പാലഭിഷേകം നടത്തിയതും എല്ലാം വാർത്തകളിൽ ഇടം പിടിക്കാറുണ്ട്. ഇപ്പോഴിതാ ഇഷ്ടതാരത്തിന്റെ മെഴുക് പ്രതിമ തയ്യാറാക്കി ശ്രദ്ധ നേടുകയാണ് ഒരു ചെറുപ്പക്കാരൻ. മലയാളികളുടെ ഇഷ്ടതാരം ഗിന്നസ് പക്രുവിന്റെ പ്രതിമയാണ് ചെറുപ്പക്കാരനായ ശില്പി ഹരികുമാർ നിർമ്മിച്ചിരിക്കുന്നത്.
അജയ് കുമാർ എന്ന ഗിന്നസ് പക്രു മലയാളികളുടെ ഇഷ്ട താരമാണ്. പൊക്കമല്ല പൊക്കമല്ല കഴിവാണ് വലുതെന്ന് ഓരോദിനവും ജനങ്ങൾക്ക് മുന്നിൽ തെളിയിച്ചു കൊണ്ടിരിക്കുന്ന അദ്ദേഹത്തിന് നിരവധി ആരാധകരാണ് ഉള്ളത്.നിലവിൽ ഹരികുമാർ നിർമ്മിച്ചിരിക്കുന്ന മെഴുക് പ്രതിമ കണ്ട് ഗിന്നസ് പക്രു തന്നെ അതിശയിച്ചിരിക്കുകയാണ്. കാരണം മറ്റൊന്നുമല്ല ഒർജിനലിനെയും ഡ്യൂപ്ലിക്കേറ്റിനെയും കാഴ്ചക്കാർക്ക് തിരിച്ചറിയാൻ അൽപ്പം പ്രയാസമാണ്.
ഗിന്നസ് പക്രുവാണോന്ന് തോന്നിപ്പിക്കുന്ന തരത്തിലുള്ള പ്രതിമയാണ് ഹരി നിർമ്മിച്ചിരിക്കുന്നത്. കോട്ടയം പ്രസ്ക്ലബ്ബിൽ വച്ചാണ് പ്രതിമയുടെ അനാച്ഛാദനം നടന്നത്. അതേസമയം ഓണനാളിൽ തനിക്ക് ലഭിച്ച ഏറ്റവും വലിയ ഓണ സമ്മാനമാണ് പ്രതിമ എന്ന് ഗിന്നസ് പക്രു പറഞ്ഞു.
കാണാതായ ഇരട്ടസഹോദരനെ കണ്ടെത്തിയ സന്തോഷമാണ് സ്വന്തം മെഴുകു പ്രതിമ കണ്ടപ്പോൾ തോന്നിത്. പ്രതിമ നിർമ്മിക്കുന്നതിന് മെഴുകും ഡ്രസ്സും കുറച്ചുമതി എന്നാൽ യുവാവിന്റെ ആ സൂക്ഷമത അത്ഭുതപ്പെടുത്തിയെന്നും അദ്ദേഹം കൂട്ടിച്ചേർത്തു.
