ജമ്മു കശ്മീർ: ഭീകരരുടെ ഒളിത്താവളം തകർത്ത് സുരക്ഷാ സേന. റംബാൻ ജില്ലയിലെ വനമേഖലയിൽ തകർത്ത ഒളിത്താവളത്തിൽ നിന്നും ആയുധങ്ങളും വെടിക്കോപ്പുകളും കണ്ടെടുത്തു. സൈന്യവും പോലീസും സംയുക്തമായി നടത്തിയ തിരച്ചിലിലാണ് ഒളിത്താവളം കണ്ടെത്തിയത്.
ഒരു അണ്ടർ-ബാരൽ ഗ്രനേഡ് ലോഞ്ചർ, ചൈനീസ് പിസ്റ്റൾ, 36 വെടിയുണ്ടകൾ, കത്തി, 198 ബുള്ളറ്റുകളുള്ള നാല് എകെ 47 റൈഫിൾ മാഗസിനുകൾ, 69 ഒമ്പത് എംഎം പിസ്റ്റൾ റൗണ്ടുകൾ, ബൈനോക്കുലർ, ക്യാമറ, വയർലെസ് സെറ്റ് എന്നിവയാണ് പിടിച്ചെടുത്തത്.
നേരത്തെ കശ്മീരിലെ ത്രാലിലെ സയ്യിദാബാദ് വനമേഖലയിൽ സമാന രീതിയിൽ ഭീകരരുടെ ഒളിത്താവളം തകർത്തിരുന്നു. നിരോധിത സംഘടനയായ ജെയ്ഷെ-ഇ മുഹമ്മദുമായി ബന്ധപ്പെട്ട രേഖകളും ആയുധങ്ങളും സൈന്യം കണ്ടെടുത്തു. ത്രാൽ പോലീസ് വിവിധ വകുപ്പുകൾ പ്രകാരം കേസെടുക്കുകയും അന്വേഷണം ആരംഭിക്കുകയും ചെയ്തു.
Comments