സ്വന്തം മക്കളെക്കാൾ തന്റെ അമ്മയ്ക്കിഷ്ടം പ്രധാനമന്ത്രി നരേന്ദ്രമോദിയെ ആണെന്ന് ബോളിവുഡ് താരം അനുപംഖേർ. നരേന്ദ്രമോദിയുടെ 72-ാം ജന്മദിനമായ സെപ്റ്റംബർ 17-നാണ് പ്രധാനമന്ത്രിയ്ക്ക് ആശംസകൾ നേരുന്ന അമ്മയുടെ വീഡിയോ താരം പങ്കുവെച്ചിരിക്കുന്നത്. തന്നെപോലെയുള്ള ആയിരക്കണക്കിന് അമ്മമാരുടെ അനുഗ്രഹം പ്രധാനമന്ത്രിയ്ക്ക് ഉണ്ടെന്നാണ് അനുപംഖേറിന്റെ മാതാവ് വീഡിയോയിൽ പറയുന്നത്. താരത്തിന്റെ സഹോദരനായ രാജു ഖേർ ആണ് അമ്മയുടെ വീഡിയോ പകർത്തിയിരിക്കുന്നത്.
മോദിയുടെ ജന്മദിനത്തിൽ അദ്ദേഹത്തിന് ആശംസ നേരാൻ അമ്മ വളരെയധികം ആഗ്രഹിച്ചിരുന്നു. എന്റെ സഹോദരൻ ഒരു വീഡിയോ ചെയ്തു. ആയിരക്കണക്കിന് അമ്മമാരുടെ അനുഗ്രഹം മോദിയ്‌ക്കുണ്ട്. തങ്ങളെക്കാൾ അധികം അമ്മ മോദിയെ ഇഷ്ടപ്പെടുന്നു. ഈ പ്രാർത്ഥനകൾ അവരുടെ ഹൃദയത്തിൽ നിന്നുള്ളതാണ്. കോടിക്കണക്കിന് അമ്മമാരുടെ അനുഗ്രഹം പ്രധാനമന്ത്രിയ്ക്ക് എപ്പോഴും ഉണ്ടാകട്ടെ എന്ന് കുറിച്ചു കൊണ്ടാണ് അനുപംഖേർ തന്റെ അമ്മയുടെ വീഡിയോ ഇൻസ്റ്റഗ്രാമിൽ പങ്കുവെച്ചിരിക്കുന്നത്.
മോദിയെ എന്തുകൊണ്ടാണ് ഇഷ്ടപ്പെടുന്നതെന്ന് വീഡിയോയിൽ മകൻ ചോദിക്കുമ്പോൾ അമ്മ നൽകുന്ന ഉത്തരം ഹൃദയത്തെ തൊടുന്നതാണ്. ‘എനിക്കറിയില്ല, അവൻ നിങ്ങളെക്കാൾ മികച്ച ആളാണ്. അദ്ദേഹം നല്ലവനാണ്, ശരിക്കും നല്ലവനാണ്, അതിൽ സംശയമൊന്നുമില്ല’ എന്ന സ്നേഹത്തോടെയും വാത്സല്യത്തോടെയുമുള്ള അമ്മയുടെ വാക്കുകൾ ഹൃദയത്തെ സ്പർശിക്കുന്നു.
