മലയാളികളുടെ പ്രിയ താരമാണ് സുരേഷ് ഗോപി. സിനിമകളിലൂടെ മാത്രമല്ല താരത്തെ നാം അറിഞ്ഞത്. മറിച്ച് അദ്ദേഹത്തിന്റെ ജീവകാരുണ്യ പ്രവൃത്തികളിലൂടെയുമാണ്. ഇപ്പോഴിതാ സിനിമാ താരം സുധീർ സുകുമാരന്റെ വാക്കുകളിലൂടെ അത് വീണ്ടും വ്യക്തമായിരിക്കുകയാണ്. ക്യാൻസർ ബാധിച്ച് ചികിത്സയിൽ കഴിയവേ താൻ പോലും അറിയാതെ ആയിരുന്നു തന്നിക്കുള്ള സഹായങ്ങൾ സുരേഷ് ഗോപി നൽകിയതെന്ന് സുധീർ പറയുന്നു. സഹായം ചെയ്യുന്നതിലുപരി ഞാൻ നിന്റെ കൂടെ ഉണ്ടെടാ എന്ന വാക്കാണ് ഏറ്റവും വലുതെന്നും. അന്ന് അദ്ദേഹം പറഞ്ഞ വക്കുകൾ തന്നെ ഒരുപാട് സ്വാധീനിച്ചിട്ടുണ്ടെന്നും സുധീർ കൂട്ടിച്ചേർത്തു. ജനം ഓൺലൈനുമായുള്ള അഭിമുഖത്തിലാണ് ഇക്കാര്യം താരം വ്യക്തമാക്കിയത്.
Comments