ശ്രീനഗർ: ജമ്മു കശ്മീരിലെ പുൽവാമയിൽ ബിഹാർ സ്വദേശികളായ തൊഴിലാളികൾക്ക് നേരെ ഭീകരാക്രമണം. പുൽവാമയിലെ രത്നിപുരയിലെ കാഹർപൊരയിലായിരുന്നു ആക്രമണം. വെടിവെപ്പിൽ പരിക്കേറ്റ ഷംഷാദ്, ഫൈസാൻ ഖദ്രി എന്നിവരെ ആശുപത്രിയിൽ പ്രവേശിപ്പിച്ചു. ആക്രമണം നടന്ന സ്ഥലത്ത് സൈന്യം പരിശോധന ആരംഭിച്ചു.
കഴിഞ്ഞ മാസം ബിഹാർ സ്വദേശിയായ തൊഴിലാളിയെ ജമ്മു കശ്മീരിൽ ഭീകരർ കൊലപ്പെടുത്തിയിരുന്നു. ജൂണിൽ ബുദ്ഗാമിലും വിവിധഭാഷാ തൊഴിലാളിയെ ഭീകരർ വെടിവെച്ച് കൊന്നിരുന്നു. കുൽഗാമിൽ ബാങ്ക് മാനേജരെയും ഭീകരർ കൊലപ്പെടുത്തിയിരുന്നു.
മുൻപ് വിവിധഭാഷാ തൊഴിലാളികളെ ആക്രമിച്ച ഭീകരരെ കഴിഞ്ഞ മാസം നടന്ന ഏറ്റുമുട്ടലിൽ സൈന്യം കൊലപ്പെടുത്തിയിരുന്നു. വിവിധഭാഷാ തൊഴിലാളികളെ ആക്രമിച്ച നിരവധി ഭീകരരെ സൈന്യം പിടികൂടിയിരുന്നു. നിലവിൽ ആക്രമണം നടന്ന പ്രദേശത്തിന്റെ നിയന്ത്രണം സൈന്യം ഏറ്റെടുത്തിരിക്കുകയാണ്.
Comments