ലോസ് ഏഞ്ചലസ്: 2023-ലെ ഓസ്കാർ ടിക്കറ്റുകൾ പരിമിതപ്പെടുത്തി സംഘാടകർ. കഴിഞ്ഞ രണ്ട് വർഷങ്ങളിൽ അക്കാദമി ഓഫ് മോഷൻ പിക്ചേഴ്സ് ആൻഡ് സയൻസസ് നോമിനേറ്റ് ചെയ്യപ്പെടാത്ത അംഗങ്ങൾക്കുള്ള ഓസ്കാർ ടിക്കറ്റുകളുടെ എണ്ണമാണ് പരിമിതപ്പെടുത്തിയത്. എന്നാൽ ഇവരെ സീറ്റ് ഫില്ലർമാരായി ക്ഷണിക്കുമെന്ന് സിഇഒ ബിൽ ക്രാമറും അക്കാദമി പ്രസിഡന്റ് ജാനറ്റ് യാങ്ങും അറിയിച്ചു. ഒഴിവുള്ള സീറ്റുകൾ നിറയ്ക്കുന്ന ആളാണ് സീറ്റ് ഫില്ലർ.
ലോസ് ഏഞ്ചൽസിൽ അംഗങ്ങൾക്കും പൊതുജനങ്ങൾക്കുമായി അക്കാദമി മ്യൂസിയം ഓസ്കാർ നൈറ്റ് പാർട്ടി സംഘടിപ്പിക്കുമെന്നും അറിയിച്ചു. രണ്ടാം തവണയാണ് അക്കാദമി പാർട്ടി സംഘടിപ്പിക്കുന്നത്. അക്കാദമിയിൽ കൂടുതൽ അംഗങ്ങളെ ചേർക്കുന്നതിനുള്ള മെമ്പർ ലോട്ടറി സംബന്ധിച്ചും ചർച്ചകൾ നടക്കുന്നതായും അക്കാദമി വ്യക്തമാക്കി.
2023 മാർച്ച് 12-നാണ് ഓസ്കാർ ചടങ്ങുകൾ നടക്കുന്നത്. ഓസ്കതാർ നോമിനേഷനുകൾ 2023 ജനുവരി 24-നും പ്രഖ്യാപിക്കുമെന്ന് അക്കാദമി അറിയിച്ചു. ചലച്ചിത്രരംഗത്തെ പ്രവർത്തകരുടെ മികവിനെ ആദരിക്കുന്നതിനുള്ള അക്കാദമി ഓഫ് മോഷൻ പിക്ചേഴ്സ് ആൻഡ് സയൻസസ് നൽകുന്ന പുരസ്കാരമാണ് ഓസ്കാർ എന്നറിയപ്പെടുന്ന അക്കാദമി അവാർഡ്.
