ദൂരെയാത്രകൾ എന്നും നമുക്ക് ഹരമാണ്. ഭൂരിഭാഗം ആളുകളും ഇത്തരം യാത്രകൾക്കായി തിരഞ്ഞെടുക്കുന്നത് ഇരുചക്ര വാഹനങ്ങളും . ഒട്ടും പ്രതീക്ഷിക്കാത്ത സാഹചര്യങ്ങളിലൂടെയാവും ഈ സമയം നാം കടന്നു പോവുക. പല പ്രതിസന്ധികളും നേരിടും. എന്നാൽ ചിലപ്പോൾ നമ്മൾ പ്രതീക്ഷിക്കാത്തവരാകും സഹായഹസ്തവുമായി നമുക്ക് അരികിൽ എത്തുക. ഇവിടെ അത്തരത്തിൽ തനിക്ക് ലഭിച്ച സഹായത്തെ പറ്റി ഒരു യുവാവ് സമൂഹമാദ്ധ്യമത്തിൽ പങ്കുവെച്ച കുറിപ്പ് വൈറലാവുകയാണ്.
ലഡാക്കിലേക്കുള്ള റോഡ് ട്രിപ്പിനിടെ ഉണ്ടായ അനുഭവത്തെ പറ്റി മഞ്ജു കശ്യപ് എന്ന യുവാവാണ് കുറിപ്പ് പങ്കുവച്ചിരിക്കുന്നത്. കുറിപ്പിന്റെ ഉള്ളടക്കം ഇങ്ങനെ,
ലഡാക്കിലെ അപകടം നിറഞ്ഞ പാതയിലൂടെ ബൈക്ക് ഓടിക്കുകയായിരുന്നു മഞ്ജു കശ്യപ് . നീണ്ട യാത്രക്കിടെ ബൈക്കിന്റെ ടയറുകളിൽ ഒന്ന് പഞ്ചറായി.തുടർന്ന് വഴിയിലൂടെ പോയ പലരോടും സഹായം അഭ്യർത്ഥിച്ചു. ഇതിനിടെയാണ് അത് കണ്ട് വന്ന ഒരാൾ യുവാവിനരികിൽ ഇരുചക്ര വാഹനം നിർത്തിയത്. പിന്നാലെ യുവാവ് റൈഡറോട് ടയറിലെ എയർ നിറക്കാൻ എയർ കംപ്രസർ ഉണ്ടോ എന്ന് തിരക്കുന്നു. ഇല്ലന്നായിരുന്നു മറുപടി ലഭിച്ചത്. എന്നാൽ പിന്നാലെ ഒരു കാർ വരുന്നുണ്ടെന്നും അതിൽ കംപ്രസർ ഉണ്ടെന്നും റൈഡർ പറഞ്ഞു.
കാറിനായുള്ള കാത്തിരിപ്പിനിടെ ഇരുവരും പലകാര്യങ്ങളും സംസാരിച്ചു. ഇതിനിടെ റൈഡർ ഹെൽമറ്റ് ഊരി യുവാവിനെ സ്വയം പരിചയപ്പെടുത്തി. തന്നെ സഹായിക്കാൻ എത്തിയിരിക്കുന്നത് തെന്നിന്ത്യൻ സൂപ്പർതാരമായ അജിത്താണെന്ന് ആ നിമിഷമാണ് യുവാവ് തിരിച്ചറിഞ്ഞത്. പിന്നാലെ കാറ് എത്തുകയും . ഇരുവരും ചേർന്ന് ബൈക്ക് ശരിയാക്കുകയും ചെയ്തു. യുവാവിനൊപ്പം ചായ കുടിച്ച് ആശംസകൾ നേർന്നതിന് ശേഷമാണ് അജിത് മടങ്ങിയത്. നിമിഷ നേരം കൊണ്ടാണ് കുറിപ്പ് സമൂഹമാദ്ധ്യമങ്ങളിൽ ശ്രദ്ധ നേടിയത്.അജിത്തിന്റെ സഹായം ലഭിച്ചത് യുവാവിന് ലഭിച്ച വലിയ ഒരു അനുഗ്രഹമാണെന്ന് സമൂഹമാദ്ധ്യമങ്ങളും അഭിപ്രായം പങ്കുവെച്ചു . എന്തായാലും യാത്രക്കിടയിലെ അപ്രതീക്ഷിത സംഭവത്തിൽ യുവാവ് വളരെ സന്തോഷത്തിലാണ്.
