കാസർകോട് : കാസർകോട് നഗരത്തിലൂടെ പർദ്ദ ധരിച്ച് നടന്ന് നടൻ സണ്ണി വെയ്ൻ. സിനിമാ ചിത്രീകരണത്തിന്റെ ഭാഗമായാണ് ഇത്. പർദ്ദയിട്ട് റോഡിലൂടെ നടന്ന് പോകുന്നസണ്ണി വെയ്ന്റെ വീഡിയോ ആണ് ഇപ്പോൾ സമൂഹമാദ്ധ്യമങ്ങളിൽ പ്രചരിക്കുന്നത്.
കറുത്ത പർദ്ദയും ബാഗും തൂക്കി ഫോണും ചെയ്താണ് സണ്ണി വെയ്നിന്റെ നടപ്പ്. സണ്ണി ഇച്ചായാ എന്ന് വിളിക്കുന്ന ആരാധകരെ നോക്കി കൈവീശുകയും ചെയ്യുന്നുണ്ട് താരം.
കാസർഗോൾഡ് എന്ന ചിത്രത്തിന്റെ ഷൂട്ടിംഗുമായി ബന്ധപ്പെട്ടാണ് താരങ്ങൾ കാസർകോട് എത്തിയത്. മൃദുൽ നായർ സംവിധാനം ചെയ്യുന്ന ചിത്രത്തിൽ സണ്ണി വെയ്നിന് പുറമേ, ആസിഫ് അലി, ഷൈൻ ടോം ചാക്കോ, ദീപക് പറമ്പോൽ, മാളവിക ശ്രീനാഥ്, ശ്രീരഞ്ജിനി നായർ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ഖാരി എന്റർടെയ്ൻമെന്റുമായി ചേർന്ന് സരിഗമ അവതരിപ്പിക്കുന്ന ചിത്രം നിർമ്മിച്ചിരിക്കുന്നത് സൂരജ് കുമാറും റിന്നി ദിവാകറും ചേർന്നാണ്.
