വാഷിംഗ്ടൺ: എട്ട് മാസം പ്രായമായ പെൺകുഞ്ഞിനെയടക്കം ഇന്ത്യൻ വംശജരായ നാല് പേരെ തട്ടിക്കൊണ്ടുപോയി.ജസ്ദീപ് സിംഗ്(36) ഭാര്യ ജസ്ലീൻ കൗർ(26) ഇവരുടെ എട്ട് മാസം പ്രായമായ മുട്ടി അരൂഹി ദേഹി, അമൻദീപ് സിംഗ് (39) എന്നിവരെയാണ് തട്ടിക്കൊണ്ടുപോയത്.
ഇന്നലെയാണ് സംഭവം. കാലിഫോർണിയയിലെ മേർസ്ഡ് കൗണ്ടിയിൽ നിന്നുമാണ് കുടുംബത്തെ അജ്ഞാത സംഘം തട്ടിക്കൊണ്ടുപോയത്.
ആയുധധാരികളാണ് കുടുംബത്തെ തട്ടിക്കൊണ്ട് പോയത്. കാരണം ഇത് വരെയും വ്യക്തമായിട്ടില്ല. പോലീസ് അന്വേഷണം ആരംഭിച്ചു.സംഭവവുമായി ബന്ധപ്പെട്ട് എന്തെങ്കിലും വിവരം ലഭിക്കുന്നവർ 911 എന്ന നമ്പറിൽ ബന്ധപ്പെടണമെന്ന് പോലീസ് അറിയിച്ചു.
കുടുംബത്തെ തട്ടക്കൊണ്ടുപോയ പ്രദേശം നിരവധി റെസ്റ്റോറന്റുകളും ചില്ലറ വ്യാപാര സ്ഥാപനങ്ങളും ഉൾപ്പെടുന്ന പ്രദേശമാണ്. ഇവിടെ നിന്ന് എങ്ങനെയാണ് കുടുംബത്തെ തട്ടിക്കൊണ്ട് പോയതെന്ന വിശദാംശങ്ങൾ പോലീസ് പുറത്ത് വിടാൻ തയ്യാറായിട്ടില്ല.
Comments