ധാക്ക: പവർ ഗ്രിഡ് തകർന്നതിനെ തുടർന്ന് ബംഗ്ലാദേശിലെ ഭൂരിപക്ഷം പ്രദേശങ്ങളും ഇരുട്ടിലായി. പവർ ഗ്രിഡിലെ പ്രശ്നം പരിഹരിക്കാൻ അധികൃതർ പരിശ്രമം തുടരുകയാണെന്ന് ബംഗ്ലാദേശ് സർക്കാർ അറിയിച്ചു. ഉച്ചയ്ക്ക് 2.00 മണിയോടെയായിരുന്നു പവർ ഗ്രിഡ് തകർച്ചയെ തുടർന്ന് ബംഗ്ലാദേശിൽ വൈദ്യുതി ബന്ധം നിലച്ചത്.
ബംഗ്ലാദേശിലെ 80 ശതമാനം പ്രദേശങ്ങളിലും വൈദ്യുതി ബന്ധം തകരാറിലായതായാണ് വിവരം. രാജ്യത്തെ 168 മില്ല്യൺ ജനങ്ങൾക്ക് ആകെ ആവശ്യമായ വൈദ്യുതി 14,200 മെഗാവാട്ട് ആണ്. എന്നാൽ, നിലവിൽ 4,500 മെഗാവാട്ട് വൈദ്യുതി മാത്രമാണ് ഉത്പാദിപ്പിക്കാൻ സാധിക്കുന്നതെന്ന് ബംഗ്ലാദേശ് പവർ ഡെവലപ്മെന്റ് ബോർഡ് അറിയിച്ചു.
ഗ്രിഡ് തകർച്ചയെ കുറിച്ച് അന്വേഷണം ആരംഭിച്ചു കഴിഞ്ഞതായി ബംഗ്ലാദേശ് പവർ ഡെവലപ്മെന്റ് ബോർഡ് വക്താവ് ഷമീം ഹസൻ വാർത്താ സമ്മേളനത്തിൽ അറിയിച്ചു.
Comments