മരിച്ച് പോയാൽ ശരീരത്തിന് വീണ്ടും ജീവൻ വെപ്പിക്കാൻ സാധിക്കുമോ? ഈ ചോദ്യമാണ് ഇന്ന് ശാസ്ത്രലോകത്ത് മുഴങ്ങിക്കേൾക്കുന്നത്. മരിച്ച ശേഷവും ശരീരത്തിന് ജീവൻ വെപ്പിക്കാൻ വേണ്ടിയുള്ള ഗവേഷണങ്ങളും മുറയ്ക്ക് നടക്കുന്നുണ്ട്. എന്നാൽ ചത്ത പ്രാണി എഴുന്നേറ്റ് നടക്കുന്ന വീഡിയോ കണ്ട് അമ്പരന്നിരിക്കുകയാണ് സോഷ്യൽ മീഡിയ ഉപയോക്താക്കൾ.
ഭൂരിഭാഗം ആന്തരികാവയവങ്ങളും ഇല്ലാതിരുന്നിട്ടും പ്രാണി സാധാരണ പോലെ നടന്നുനീങ്ങുന്നത് വീഡിയോയിൽ കാണാം. ഇന്ത്യൻ ഫോറസ്റ്റ് സർവീസിലെ ഉദ്യോഗസ്ഥൻ ഡോ. സാമ്രാട്ട് ഗൗഡ ആണ് ട്വിറ്ററിലൂടെ ഈ വീഡിയോ പങ്കുവെച്ചത്.
Do you know? according to scientists A neuro parasite has taken control of brain of this dead insect and making it walk…….. Zombie ☠️💀💀 pic.twitter.com/WBS8hNvH91
— Dr.Samrat Gowda IFS (@IfsSamrat) October 18, 2022
ഒരു ന്യൂറോ പാരസൈറ്റ് ചത്ത പ്രാണിയുടെ തലച്ചോറിന്റെ നിയന്ത്രണം ഏറ്റെടുത്ത് അതിനെ നടക്കാൻ പ്രേരിപ്പിക്കുകയാണെന്നാണ് ഗവേഷകർ പറയുന്നത്. ഇത് സോംബിയാണെന്നും അദ്ദേഹം അടിക്കുറിപ്പിൽ പറയുന്നു.
വീഡിയോ വൈറലായതോടെ പ്രതികരണവുമായി നിരവധി പേരാണ് രംഗത്തെത്തിയിരിക്കുന്നത്. സിനിമകളിൽ മാത്രം കണ്ടും കേട്ടും അറിയുന്ന സോംബികൾ സത്യമാണെന്നാണ് ചിലർ പറയുന്നത്. ഈ പ്രാണി ചത്തിട്ടില്ലെന്നും ചിലർ പ്രതികരിക്കുന്നുണ്ട്.
Comments