മെൽബൺ; ദേശീയഗാനം കേട്ട് വികാരഭരിതനായി ഇന്ത്യൻ ക്രിക്കറ്റ് ടീം ക്യാപ്റ്റൻ രോഹിത് ശർമ്മ. ടി-20 ലോകകപ്പിൽ പാകിസ്താനെതിരായ സൂപ്പർ 12 പോരാട്ടത്തിന് മുൻപ് ഇന്ത്യയുടെ ദേശീയഗാനമായ ജനഗണമന പ്ലേ ചെയ്തപ്പോഴാണ് രോഹിത് വികാരഭരിതനായത്. ഗാനത്തിനിടെ കണ്ണ് നിറയുന്നതും അത് തുടച്ച് വീണ്ടും ദേശീയഗാനത്തിന് ചുണ്ടനക്കുന്നതുമാണ് ദൃശ്യങ്ങൾ. ഇതിന്റെ വീഡിയോ ഐസിസി തന്നെ തങ്ങളുടെ സമൂഹമാദ്ധ്യമ അക്കൗണ്ടുകളിൽ പങ്കുവച്ചു. രോഹിത് ശർമ നായകനാവുന്ന ആദ്യ ഐസിസി ഇവന്റാണ് ഇത്. രോഹിതിന്റെ വീഡിയോ നിമിഷ നേരം കൊണ്ടാണ് ആരാധകർ ഏറ്റെടുത്തത്.
ന്റി 20 ലോകകപ്പിലെ സൂപ്പർ 12 മത്സരത്തിൽ പാകിസ്താനെതിരെ ഇന്ത്യക്ക് 160 റൺസ് വിജയലക്ഷ്യം. ടോസ് നഷ്ടമായി ബാറ്റിംഗിനിറങ്ങിയ പാകിസ്താൻ 20 ഓവറിൽ 8 വിക്കറ്റ് നഷ്ടത്തിൽ 159 റൺസ് എടുത്തു. മികച്ച പ്രകടനം പുറത്തെടുത്ത അർഷ്ദീപ് സിംഗും ഹർദ്ദിക് പാണ്ഡ്യയും 3 വിക്കറ്റ് വീതം വീഴ്ത്തി
ടോസ് നേടിയ രോഹിത് ശർമ ഫീൽഡിംഗ് തിരഞ്ഞെടുക്കുകയായിരുന്നു. ബാറ്റിംഗ് പിച്ചാണെങ്കിലും മഴ സാധ്യതയും മൂടിക്കെട്ടിയ അന്തരീക്ഷവും പരിഗണിച്ചാണ് രോഹിത് പാകിസ്താനെ ബാറ്റിംഗിനയച്ചത്.
