കുരങ്ങനെ വരിഞ്ഞുമുറുക്കി പെരുമ്പാമ്പ്; ജീവനു വേണ്ടി കരച്ചിൽ; രക്ഷിക്കാൻ ശ്രമിച്ച് കുരങ്ങിൻ കൂട്ടം; പിന്നീട് സംഭവിച്ചത്

പെരുമ്പാമ്പുകൾ ഇരയെ പിടിക്കുന്നതും ഭക്ഷിക്കുന്നതും നാം കണ്ടിട്ടുണ്ട്. സ്വന്തം ശരീരം കൊണ്ട് ഇരയെ വരിഞ്ഞു മുറുക്കി കൊല്ലാൻ പെരുമ്പാമ്പുകൾക്ക് കഴിയും. ഇപ്പോൾ സമൂഹമാദ്ധ്യമങ്ങളിൽ വൈറലാകുന്നത് അത്തരത്തിലൊരു വീഡിയോയാണ്. ഒരു കുരങ്ങനെ വരിഞ്ഞിമുറുകി ഭക്ഷിക്കാൻ ശ്രമിക്കുന്ന പെരുമ്പാമ്പിന്റെയും അതിനെ തടുക്കാൻ ശ്രമിക്കുന്ന ഒരു കൂട്ടം കുരങ്ങന്മാരുടെയും വീഡിയോയാണ് സമൂഹമാദ്ധ്യമങ്ങളിൽ ശ്രദ്ധിക്കപ്പെടുന്നത്.

പാമ്പ് വരിഞ്ഞു മുറുക്കിയതോടെ കുരങ്ങൻ ശ്വാസം ലഭിക്കാതെ ബോധം കെടുകയാണ്. ഇതോടെ കുരങ്ങനെ വിഴുങ്ങാൻ പെരുമ്പാമ്പ് ശ്രമം നടത്തുന്നു. എന്നാൽ കൂട്ടത്തിൽ ഒരാൾക്ക് ആപത്തു വന്നു എന്ന് മനസ്സിലാക്കിയ മറ്റ് കുരങ്ങുകൾ പെരുമ്പാമ്പിന്റെ പിടി വിടീപ്പിക്കാൻ ശ്രമിക്കുകയാണ്. കുരങ്ങുകൾ എല്ലാം പെരുമ്പാമ്പിനു ചുറ്റും കൂട്ടം കൂടുന്നത് വീഡിയോയിൽ കാണാം. ഉറക്കെ ശബ്ദം ഉണ്ടാക്കുകയും പിടിയിലകപ്പെട്ട കുരങ്ങനെ രക്ഷിക്കാൻ പാമ്പിന്റെ ശ്രദ്ധ തെറ്റിപ്പിക്കുകയും ചെയ്യുകയാണ് ഇവർ.

എന്നാൽ, തന്റെ ഇരയെ വരിഞ്ഞു മുറുക്കുകയാണ് പാമ്പ്. ഇതോടെ കുരങ്ങന്മാർ എല്ലാം പെരുമ്പാമ്പിനെ അക്രമിക്കാൻ ശ്രമിക്കുന്നു. കൂട്ടത്തിലൊരു കുരങ്ങൻ പെരുമ്പാമ്പിന്റെ വാലിൽ പിടിച്ചുവലിച്ചു. വാലിൽ പിടിച്ച കുരങ്ങനു നേരെ പേരുമ്പാമ്പ് ചീറ്റി വരുന്നു. അപ്പോഴും ഇരയെ പിടിവിടാൻ പെരുമ്പാമ്പ് തയ്യാറായിരുന്നില്ല. കുരങ്ങന്മാർ എത്ര ശ്രമിച്ചിട്ടും പിടി വിടാത്തതിനെ തുടർന്ന് കുരങ്ങന്റെ ജീവൻ നഷ്ടമായി. ഇതോടെ പരിഭ്രാന്തിയിലായ കുരങ്ങിൻ കൂട്ടം ശബ്ദമുണ്ടാക്കുകയാണ്. എന്നാൽ ഇതൊന്നും ശ്രദ്ധിക്കാതെ പെരുമ്പാമ്പ് തനിക്ക് കിട്ടിയ ഇരയെ വിഴുങ്ങുന്നതാണ് വീഡിയോയിൽ.