മാഡ്രിഡ് : വിവാഹ സത്കാരത്തിനിടെ ഉണ്ടായ വഴക്കിനെ തുടർന്ന് നാല് പേർ കൊല്ലപ്പെട്ടു. സ്‌പെയ്‌നിലെ മാഡ്രിഡിലാണ് സംഭവം. വിവാഹ സത്കാരം നടക്കുന്ന സ്ഥലത്തേക്ക് ഒരാൾ കാറിടിച്ച് കയറ്റുകയായിരുന്നു. സംഭവത്തിൽ നാല് പേർ കൊല്ലപ്പെടുകയും മൂന്ന് പേർക്ക് പരിക്കേൽക്കുകയും ചെയ്തു.
മാഡ്രിഡിൽ നിന്ന് 25 കിലോമീറ്റർ വടക്കുകിഴക്കായി ടോറെജോൺ ഡി അർഡോസിലെ വിവാഹ വേദിക്ക് മുന്നിൽ രാവിലെയോടെയാണ് കലഹം പൊട്ടിപ്പുറപ്പെട്ടത്. ഇതിന് പിന്നാലെ തർക്കത്തിൽ ഏർപ്പെട്ടയാൾ അതിഥികളുടെ ഇടയിലേക്ക് കാർ ഇടിച്ച് കയറ്റുകയായിരുന്നു. ഇയാൾ സ്ഥലത്ത് നിന്ന് രക്ഷപ്പെട്ടതായാണ് റിപ്പോർട്ട്. ഇതുവരെ കണ്ടെത്താനായിട്ടില്ല.
സംഭവം നടന്ന സ്ഥലത്ത് നിന്ന് 50 കിലോമീറ്റർ അകലെ നിന്ന് മൂന്ന് യാത്രക്കാരെ സംശയാസ്പദമായ സാഹചര്യത്തിൽ പിടികൂടിയിട്ടുണ്ട്. സംഭവത്തിൽ ഉൾപ്പെട്ട നാലാമനെ പോലീസ് തിരഞ്ഞുകൊണ്ടിരിക്കുകയാണ്.
Comments