ദീർഘനേരം കമ്പ്യൂട്ടറിനും മൊബൈൽ ഫോണിനും മുമ്പിൽ ചെലവഴിക്കുന്നത് നമ്മുടെ ജീവിത രീതികളിലൊന്നായി മാറിക്കഴിഞ്ഞു മണിക്കൂറുകളോളം ഇങ്ങനെ ഒറ്റ ഇരിപ്പ് ഇരിക്കുന്നത് പല ആരോഗ്യപ്രശ്നങ്ങൾക്കും കാരണമാകാറുണ്ട്. നടുവേദനയും കൈ വേദനയും എല്ലാം ചെറിയ ഉദാഹരണങ്ങൾ മാത്രം. ഇത് ഒരു പരിധി വരെ ഒഴിവാക്കാൻ കഴിയുന്ന ഒരു യോഗ പൊസിഷനുണ്ട്.
റിവേഴ്സ് പ്രയർ പോസ് അഥവാ പശ്ചിമ നമസ്കാര എന്ന യോഗ പൊസിഷനാണ് ഇത്. സാധാരണയായി നമ്മൾ മുൻഭാഗത്തായാണ് കൈ കൂപ്പി പിടിക്കാറുള്ളത് ഇത് പുറകിൽ കൂപ്പി പിടിക്കണം. പെൻഗ്വിൻ പോസ് വിപരീത നമസ്കാരം എന്നല്ലാം അറിയപ്പെടുന്ന ഈ യോഗ പോസ് കൈ, വയർ,ഷോൾഡർ എന്നീ ഭാഗങ്ങളുടെ ബലം വർദ്ധിപ്പിക്കുമെന്നാണ് പല പഠനഫലങ്ങളും ചൂണ്ടിക്കാണിക്കുന്നത്.റിസ്റ്റ് വേദനയ്ക്കും കൈകൾക്ക് വേദനയും തരിപ്പും നൽകുന്ന കാർപ്പൺ ടണൽ സിൻഡ്രോം പോലുള്ള പ്രശ്നങ്ങൾക്കും ഇത് പരിഹാരം നൽകുന്നു.
ഒരു യോഗ മാറ്റിലോ പായലിലോ നിൽക്കുക,കാലുകൾ അടുപ്പിച്ച് വെച്ച് പാദം ഒരു ഇഞ്ച് അകറ്റി വേണം നിൽക്കാൻ. തുടർന്ന് ഷോൾഡർ റിലാക്സ് ചെയ്യാം. കൈ വശങ്ങളിലേക്ക് തൂക്കിയിട്ട് നിവർന്നു നിൽക്കുക.പിന്നീട് ഷോൾഡർ റിലാക്സ് ചെയ്ത് കാൽമുട്ട് അൽപം മടക്കി കൈകൾ പിന്നോട്ടാക്കി കൈൾ കൂപ്പു പൊസിഷനിൽ വിരലുകൾ ..താഴേക്ക് പോയന്റു ചെയ്യുന്ന രീതിയിൽ പിടിക്കുക. നല്ലതു പോലെ ശ്വാസം ഉള്ളിലേയ്ക്കെടുത്ത് വിരലുകൾ ഉൾഭാഗത്തൂടെ മുകളിലേയ്ക്കു നിവർത്തി മുകളിലേയ്ക്കു സാധാരണ കൈ കൂപ്പുന്ന രീതിയിൽ പിടിയ്ക്കുക.
ഇതേ പൊസിഷനിൽ 30 സെക്കൻഡ് കണ്ണടച്ചു പിടിച്ച് ഏകാഗ്രമായി നിൽക്കണം.ഒരു മിനിറ്റ് ഇടവേളയെടുത്ത ശേഷം വീണ്ടും ഇതാവർത്തിയ്ക്കുക. ഈ യോഗ പോസ് ചെയ്യുമ്പോൾ കാൽമുട്ട് അൽപം മടങ്ങിയിരിയ്ക്കാനും കൈപ്പത്തികളും വിരലുകളും നല്ലതുപോലെ ചേർന്നിരിക്കാനും പ്രത്യേകം ശ്രദ്ധിയ്ക്കുക
