വീട് ചെളി പിടിക്കാതെ വൃത്തിയാക്കി സൂക്ഷിക്കുന്നവരാണ് നമ്മളെല്ലാവരും. എല്ലാ ദിവസവും അടിച്ചുവാരിയും തുടച്ചും നാം ഓരോ ഭാഗങ്ങളും വൃത്തിയാക്കാറുണ്ട്. എന്നാൽ ബാത്ത്റൂമിൽ ഈ പണിയൊന്നും നടക്കാറില്ല. എപ്പോഴും വെള്ളവും സോപ്പുമാകുന്ന ബാത്ത്റൂം വൃത്തിയാക്കാൻ കുറച്ച് പാടാണ്. ഇവിടെ ചെളി അടിഞ്ഞുകിടന്ന് വേഗത്തിൽ കറ പിടിക്കുകയും സാധാരണയാണ്. ഈ കറകയാകട്ടെ എത്ര ശ്രമിച്ചാലും മാഞ്ഞുപോകില്ല.
എന്നാൽ ഇത്തരം കറകൾ ഇല്ലാതാക്കാൻ നമ്മുടെ അടുക്കളയിൽ തന്നെ സാധനമുണ്ട്. ഇരുമ്പൻ പുളി എന്നറിയപ്പെടുന്ന ഇലുമ്പിപ്പുളി ഉപയോഗിച്ച് ഈ കറകൾ കളയാനാകും. കറികളിലും അച്ചാറിടാനുമൊക്കെ ഇരുമ്പൻ പുളി ഉപയോഗിക്കുമെങ്കിൽ ഇതിന്റെ ബ്ലീച്ചിംഗ് എഫക്ട് ആദ്യമായിട്ടായിരിക്കും പലരും അറിയുന്നത്.
ബാത്ത്റൂം വൃത്തിയാക്കാൻ ആവശ്യമായ ഇരുമ്പൻ പുളിയെടുത്ത് ആദ്യം മിക്സിയിൽ അടിച്ചെടുക്കാം. തുടർന്ന് ഇത് ബാത്ത്റൂമിലെ കറകൾക്ക് മുകളിൽ പുരട്ടുക. പത്ത് മിനിറ്റിന് ശേഷം ബ്രഷോ മറ്റോ ഉപയോഗിച്ച് ഇത് കഴുകി കളയാം. സോപ്പ് അല്ലെങ്കിൽ ചൂടുവെള്ളം ഉപയോഗിച്ച് കഴുകുന്നതും നല്ലതാണ്. കറയകറ്റാനും ടൈലുകൾ മിന്നിത്തളങ്ങാനും ഇത് സഹായിക്കും.
