ഐസിഎൻജി കുടുംബത്തിലേയ്ക്ക് ഏറ്റവും പുതുതായി ടിഗായോ എൻആർജി കൂടി പ്രഖ്യാപിച്ച് ടാറ്റാ മോട്ടോഴ്സ്. കണ്ണഞ്ചിപ്പിക്കുന്ന ഓഫ് റോഡിംഗ് ശേഷിയും, എസ്യുവി രൂപകൽപ്പനയിൽ നിന്ന് പ്രചോദനം ഉൾക്കൊണ്ട ഡിസൈനുമായാണ് പുത്തൻ ടിയാഗോ എൻആർജി എത്തുന്നത്. കഴിഞ്ഞ ഒരു വർഷമായി ടിയാഗോ എൻആർജിക്ക് ലഭിച്ച് വരുന്ന മികച്ച പ്രതികരണം കണക്കിലെടുത്താണ് ഇന്ത്യയിലെ ഏറ്റവും മികച്ച സിഎൻജി സാങ്കേതിക വിദ്യയായ ഐസിഎൻജി കൂടി കമ്പനി പുറത്തിറക്കുന്നത്.
ഗ്രൗണ്ട് ക്ലിയറൻസ് 177എംഎം, റീട്യൂൺഡ് സസ്പെൻഷൻ എന്നിവയോടെ ഇന്ത്യയിലെ ആദ്യത്തെ ടഫ് റോഡർ സിഎൻജി വാഹനമായിരിക്കും ടിയാഗോ എൻആർജി. ഫോറസ്റ്റ ഗ്രീൻ, ഫയർ റെഡ്, പോളാർ വൈറ്റ്, ക്ലൗഡി ഗ്രേ എന്നീ നാല് ആകർഷകമായ നിറങ്ങളിൽ ലഭ്യമാണ്. പുതിയ ടിയാഗോ എൻആർജിയിൽ, എസ് യു വി സാദൃശ്യമുള്ള ആർമേർഡ് ഫ്രണ്ട് ക്ലാഡിംഗ്, റൂഫ് റെയിലുകളോട് കൂടിയ ഇൻഫിനിറ്റി ബ്ലാക്ക് റൂഫ്, മസ്കുലാർ ടെയിൽ ഗേറ്റ്, സാറ്റിൻ സ്കിഡ് പ്ലേറ്റ്, സ്ക്വർക്കിൾ വീൽ ആർച്ച്, 14 ഇഞ്ച് ഹൈപ്പർ സ്റ്റൈൽ വീൽ സ്റ്റൈൽ തുടങ്ങിയ സവിശേഷതകളും ഇതിനുണ്ട്.
തുടക്കം മുതലേ ടിയാഗോ എൻആർജി നെയിംപ്ലേറ്റിന് മികച്ച പ്രതികരണമാണ് ഉപഭോക്താക്കളിൽ നിന്ന് കിട്ടിന്നത്. വാഹനത്തിന്റെ മസ്കുലാറായ ലുക്ക്, ഉയർന്ന ഗ്രൗണ്ട് ക്ലിയറൻസ് തുടങ്ങിയവയെല്ലാം ഒരു അർബൻ ടഫ് റോഡർ എന്ന നിലയിൽ വാഹനത്തിന്റെ സ്ഥാനം അരക്കിട്ടുറപ്പിക്കുന്നു.
ടാറ്റാ മോട്ടോർസിന്റെ ‘ ന്യൂ ഫോർ എവർ’ എന്ന ആശയത്തെ അടിസ്ഥാനപ്പെടുത്തി ബ്രാൻഡ് പോർട്ട്ഫോളിയോ തുടർച്ചയായി പരിഷ്കരിക്കുകയാണ്. അത്തരത്തിലാണ് ടിയാഗോ എൻആർജിയുടെ ഐസിഎൻജി പതിപ്പ് പുറത്തിറക്കുന്നതെന്ന് ടാറ്റാ മോട്ടോഴ്സ് പാസഞ്ചർ വെഹിക്കിൾ ലിമിറ്റഡ് സെയിൽസ് മാർക്കറ്റിങ് ആൻറ് കസ്റ്റമർ കെയർ വൈസ് പ്രസിഡന്റ് രാജൻ അംബാ പറഞ്ഞു.
Comments