സിനിമയിൽ സജീവമല്ലെങ്കിലും ശോഭന എന്ന നടി മലയാളികളുടെ ഹൃദയത്തിൽ തന്നെയാണ്. ചെയ്തുവച്ച കഥാപാത്രങ്ങൾ കൊണ്ട് മാത്രമല്ല, സമൂഹമാദ്ധ്യമങ്ങളിൽ താരം സജീവമാണ് എന്നതുകൊണ്ടു കൂടിയാണ് സിനിമയിൽ നിന്നുള്ള വിട്ടുനിൽക്കലിലും മലയാളികളുടെ മനസ്സിൽ ശോഭന ഇടം നേടുന്നത്. ആരാധകരുടെ ഇടയിൽ അവർ സജീവമാണ്. തന്റെ ജീവിതത്തിലെ മനോഹര മുഹൂർത്തങ്ങൾ ഓരോന്നും ശോഭന ആരാധകർക്കായി പങ്കുവെയ്ക്കാറുണ്ട്. ഇപ്പോൾ, സമൂഹമാദ്ധ്യമത്തിലൂടെ തന്റെ ഏറ്റവും പുതിയ യാത്രാ വിശേഷം പങ്കുവച്ചിരിക്കുകയാണ് നടി.
കേദാര്നാഥില് നിന്നും എടുത്ത സെല്ഫി വീഡിയോയാണ് ശോഭന ഇന്സ്റ്റഗ്രാമില് പങ്കുവച്ചിച്ചിരിക്കുന്നത്. ‘ എന്റെ പിറകിൽ കാണുന്നതാണ് കേദാർനാഥ് ക്ഷേത്രം. നിങ്ങൾക്ക് അത് കണ്ടെത്താൻ കഴിയുമോ?. ഒരു ചെറിയ സ്വർണ്ണ പൊട്ടുപോലെ’ എന്ന കുറിപ്പോടു കൂടിയാണ് കേദാർനാഥ് ക്ഷേത്രത്തിലേയ്ക്ക് പോകുന്നതിന്റെ സന്തോഷം ശോഭന വീഡിയോയിലൂടെ പങ്കുവെയ്ക്കുന്നത്. മഞ്ഞു പുതച്ച ഹിമാലയത്തിന്റെ പശ്ചാത്തലത്തില് കേദാര്നാഥ് ക്ഷേത്രത്തിന്റെ ദൃശ്യങ്ങള് ശോഭന പങ്കിടുമ്പോൾ യാത്രയ്ക്ക് ആശംസ അറിയിക്കുകയാണ് ആരാധകർ.
വീഡിയോ കാണാം, ക്ലിക്ക് ചെയ്യുക
ഹിമാലയത്തിലെ ഗർവാൾ പ്രവിശ്യയിലാണ് ശിവക്ഷേത്രമായ കേദാർനാഥ് ക്ഷേത്രം സ്ഥിതി ചെയ്യുന്നത്. ഏപ്രിൽ മാസം മുതൽ നവംബർ മാസവരെയാണ് ഇവിടേയ്ക്കുള്ള യാത്രയ്ക്ക് അനുയോജ്യം. മറ്റുകാലങ്ങളിൽ കടുത്ത തണുപ്പും മഞ്ഞു വീഴ്ചയുമായിരിക്കും. മന്ദാകിനി നദിയുടെ മനോഹാരിതയാണ് കേദാർനാഥ് ക്ഷേത്രത്തിന്റെ മറ്റൊരു ആകർഷണം. ശൈത്യകാലത്ത് ക്ഷേത്രത്തിലെ മൂർത്തിയുടെ ബിംബം ഉഖിമഠിലെ ഓംകാരേശ്വർ ക്ഷേത്രിലെത്തിച്ചാണ് പൂജിക്കുന്നത്.
Comments